"Парасат" холдингі коммерцияландыру үшін 100 ғылыми жобаны іріктеп алды
"Өз әзiрлемелерiн ұсынуға ғылым да, өз қаражатын тәуекелге тігуге кәсiпорын да дайын болуы керек. "Парасат" холдингi осы бағытта 100-ден аса жобаны iрiктеп алды. Қазiр шамамен 10-12 жоба инвестиция тарту есебiнен жүзеге асырылуда. Бұған ғылым саласындағы мемлекеттiк-жеке меншiк серiктестiк арқылы қол жетiп отыр", - дедi ғалым.
Алматы. 21 қаңтар. Kazakhstan today. "Парасат" холдингі коммерцияландыру үшін 100 ғылыми ғылыми жобаны таңдап алды Бұл туралы бүгін Орталық коммуникациялар қызметінде өткен брифингте Қазақстанның Жаратылыстану ғылымдары ұлттық академиясының бірінші вице-президенті - "Парасат" ұлттық ғылыми-технологиялық холдингінің ғылыми консультанты Нұралы Бектұрғанов мәлім етті.
"Президенттiң бастамасымен Ғылым туралы заң қабылданған болатын. Бұл заңда ғылымды қалай қаржыландыру, ғылыми жұмыстарды iрiктеу мәселелерi нақты көрсетiлген. Бiрақ, технологияны коммерцияландыру бойынша бөлiм жоқ. Сондықтан, Елбасының бастамасымен ғалымдарға өз жұмыстарын коммерцияландыруға көмектесе iн, яғни ғылымды коммерциялау механизмiн әзiрлейтiн "Парасат" холдингi құрылды. Холдинг Қазақстанның Ұлттық жаратылыстану ғылымдары академиясымен бiрлесiп, бес жыл iшiнде осы бағыттағы жұмыстарды жүргiздi. Яғни, бiз коммерцияландыруды iске қосу үшiн заңға қандай өзгерiстер мен толықтырулар енгiзу бойынша бiрқатар ұсыныстар әзiрледiк", - деді Н. Бектұрғанов.
Сондай-ақ, ол Елбасының осы бағыттағы жұмысқа жан бiтiретiн заңдарды әзiрлеу бойынша 1 қыркүйекке дейiн Министрлер кабинетiне арнайы тапсырма бергендігін атап өтті.
"Өз әзiрлемелерiн ұсынуға ғылым да, өз қаражатын тәуекелге тігуге кәсiпорын да дайын болуы керек. "Парасат" холдингi осы бағытта 100-ден аса жобаны iрiктеп алды. Қазiр шамамен 10-12 жоба инвестиция тарту есебiнен жүзеге асырылуда. Бұған ғылым саласындағы мемлекеттiк-жеке меншiк серiктестiк арқылы қол жетiп отыр", - дедi ғалым.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.