Павлодар облысында ағымдағы жылы 1000 жылу есептегіш құралы орнатылады
Үйге ортақ жылу есептегіш аспаптарын орнату тетіктерін насихаттау жөніндегі өңірлік даму министрлігінің арнайы көшпелі жұмыс тобы Ақтөбе және Павлодар облыстарына барды, - деп ведомстводан хабарлады.
Алматы. 23 шілде. Kazakhstan today. Үйге ортақ жылу есептегіш аспаптарын орнату тетіктерін насихаттау жөніндегі өңірлік даму министрлігінің арнайы көшпелі жұмыс тобы Ақтөбе және Павлодар облыстарына барды, - деп ведомстводан хабарлады.
"Павлодар және Ақтөбе қалаларының әкімдіктерінде кеңес өтті. Кеңеске Қазақстан Республикасы Өңірлік даму министрлігінің өкілдері, облыс әкімінің орынбасарлары, қалалар және аудандардың әкімдері Табиғи монополияларды реттеу агенттігінің Ақтөбе және Павлодар облыстары бойынша департаменттері қатысты", - делінген хабарламада.
Кеңесте жылу есептегіш аспаптарын орнату тетіктері жөніндегі мәселелер талқыланды. Сонымен, қазіргі уақытта 192 көп қабатты тұрғын үйлерде үйге ортақ жылу есептегіш аспаптары орнатылды. Облыс қалаларының тұрғын үй қорында жалпы үйге ортақ жылу есептегіш аспаптарын орнатуда жалпы қажеттілік 2209 бірлікті құрайды, оның ішінде Павлодар қаласында - 1057 бірлік, Екібастұз қаласында - 772 бірлік,
Ақсу қаласында - 380 бірлік. Ағымдағы жылы 1000 жылу есептегіш құралын орнату жоспарлануда, оның ішінде Павлодар қаласында - 700 бірлік, Екібастұз қаласында - 300 бірлік.
Ақтөбе қаласында 236 жылу энергиясын есептегіш құралдары орнатылды, облыстың тұрғын үй қорының жалпы қажеттілігі 1118 бірлікті құрайды. Ең үлкен жылу үлесінің салмағы бар және жеке жылу пунктері бар үйлер басым сипаттағы үйлер болып табылады.
Одан әрі жұмыс тобы бірқатар көп қабатты тұрғын үйлерді аралап, онда тұрғындар мен пәтер иелері кооперативтерінің өкілдерімен кездесудің барысында жылу есептегіш аспаптарын орнату тетіктері жөнінде жылу энергиясын есептегіш аспаптарын орнатудың барлық ерекшеліктерін түсіндірді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.