АСТАНА. 17 сәуір. Kazakhstan Today. Салық Кодексіндегі жеңілдіктер мен преференцияларды қайта қарау керек. Бұл туралы кеше "Атамекен" одағы басқарма мүшелерінің мәжілісінде ҚР экономика және бюджетті жоспарлау министрлігінің салық саясаты және болжамдар департаментінің директоры Вера Кнюх айтты,-деп хабарлайды агенттік тілшісі.
"Біз корпоративтік салық ставкалары төмендеп жатқан елдердің жолымен жүргіміз келеді. Алайда осымен бес жыл бойы заңда қарастырылған жеңілдіктер мен преференцияларды жандандырмақ ниеттеміз. Бұл үшін арнайы жұмыс тобы да құрылды",-деді В.Кнюх. Оның айтуныша, "бұл жандандырудан келер біршама қатаңдандыру да бар". "Бұл сөзден үркудің қажеті жоқ. Өмірдің өзі соған әкеліп тіреуде. Сондықтан жеңілдіктер мен преференцияларды қайта қараған жөн",-деп санайды экономика министрлігі департаментінің директоры.
В.Кнюх барлық жеңілдіктерді сараптау барысында " кейбір жеңілдіктер мүлдем іске қосылмағаны белгілі болса, ал біреулері мақсатына жеткеннен кейін қажетсіз болып қалған". "Және де бір топ жеңілдіктер бар. Олар біздің экономикамыздың бәсекелестік қабілеттілігін арттыруға тосқауыл болуда",-деді ол. "Сондықтан біз бәсекелестік қабілеті бар елу елдің қатарынан көрінгіміз келсе, кәсіпкерлерге қойылатын талаптарды күшейткеніміз жөн. Өйткені жеңілдіктер олардың қызметін босаңсытып жіберуде",-деп санайды департамент директоры.
Осыған орай В. Кнюх "Атамекен" жетешілігінің экономика министрлігіне
"кәсіпкерлеріміздің қандай жеңілдіктерге аса мүқтаж, ал қай жеңілдіктерді уақытша қалдыра тұрғаны жөн екендігі туралы нақты мәліметтер мен ұсыныстар дайындау туралы ұсыныс жасады. "Мерзімсіз жеңілдіктер қажет емес",-деп баса айтты ол. Департамент директорының пікірінше, ең ұтымды жеңілдік - инвестициялық преференцияға байланысты жеңілдік болмақ. Өйткені ол шынымен де келісім шарттың мерзімін қарастырады".
"Біздің көздегеніміз- салық салудың барлығына да тең дәрежелі жағдайларын қалыптыстыру. Барлық жеңілдіктерді бір жылдың ішінде алып тастау мүмкін емес. Десекте біз 2008 жылдан бастап мүмкіндігінше көп жеңілдікті айналымнан алып тастауды көздеп отырмыз,-деп түйіндеді ойын В.Кнюх.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Салық Кодексіндегі жеңілдіктер мен преференцияларды қайта қарау керек- ҚР экономика министрлігі
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.