АСТАНА. 24 қаңтар. Kazakhstan Today. "Самұрық" АҚ басшылығы ұлттық компанияларды корпоративтік басқару жүйесін жақсарту үшін бірқатар шаралар қолданбақшы. Бұл жөнінде бүгін "Самұрық" мемлекеттік холдингі" АҚ-ның кеңейтілген кеңесінде басқарма төрағасы Сауат Мыңбаев мәлімдеді, деп хабарлайды Kazakhstan Today агенттігінің тілшісі.
"Біз "ҚазМұнайГаз" Барлау. Өндіру", еуропалық қайта құру және даму банкі мен Лондон қор биржасының тәжірибесіне сүйене отырып холдингті және оның құрамына кіретін компанияларды корпоративтік басқару кодексін жасап жатырмыз",-деді С.Мыңбаев.
АҚ басқарма төрағасының пікірінше, "кодекс қаншалықты жақсы болсын, ең бастысы онда көрсетілген талаптар орындалуы тиіс, сондықтанда басты ережелерге сәйкес мүмкін заңға және басқада нормативті актілерге өзгертулер мен толықтырулар енгізуге тура келетіндіктен, осы туралы ұсыныс жасалады".
Оның айтуынша, осы шараны жүзеге асыру үшін "Самұрыққа" үстіміздегі жылдың 25 қаңтарына дейін уақыт берілген. "Бұл оңай құжат емес, оны дайындауға асығуымыз керектігі де түсінікті, алайда, біздің пікірімізше бұл мәселеде тиянақтылық маңыздырақ, сондықтанда жұмысты атқаруға шынайы мерзімнің белгіленгенін сұрар едік", деді ол премьер -министр К.Мәсімовке.
С.Мыңбаевтың пайымдауынша, "нәтижелі корпоративтік басқару талантты басшыларды ұсынуды және тағайындауды көздейді, осыған байланысты тағайындау жөніндегі комитет пен директорлар кеңесінің ролі арта түсу тиіс". "Холдинг құрамындағы ірі компаниялардың корпоративтік басқару рейтингісін алу жұмыстары жеделдетіледі" деді ол.
Өз кезегінде премьер-министр Кәрім Мәсімов Қазақстандағы корпоративтік басқару принципінің негізі ретінде халықаралық стандарттарды алу қажеттігін айтты.
"Велосипед ойлап табудың қажеті жоқ, халықаралық стандарттарды алу керек. Олар компанияларды қор биржасына шығатын кезде бағалауға негіз болады. Сосын оны "Қазына", "Самұрық" және "Қазагро" компанияларына көшіру керек, ал болашақта экономиканы түгелдей сол халықаралық стандарттарға көшіру қажет",-деді К.Мәсімов.
"Біз, Қазақстан экономикасы транспарентті, ашық, қоғам алдында есеп беретін және корпоративтік басқару жүйесінде деп айта алатындай болуымыз керек, сол кезде сауалдар да аз болады",-деді үкімет басшысы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
"Самұрық" басшылығы ұлттық компанияларды корпоративтік басқару жүйесін жақсарту үшін бірқатар шаралар қолданады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.