"Самұрық - Қазына" қорына кіретін ұлттық компаниялар 2010 жылы Алматыда 150 млрд теңгенің мемлекеттік сатып алуларын іске асырады
"Самұрық - Қазына" қорына кіретін ұлттық компаниялар 2010 жылы Алматыда 150 млрд теңгенің мемлекеттік сатып алуларын іске асырады
Алматы. 3 желтоқсан. Kazakhstan Today - "Самұрық - Қазына" қорына кіретін ұлттық компаниялар 2010 жылы Алматыда 150 млрд теңгенің мемлекеттік сатып алуларын іске асырады. Бұл туралы бүгін әкімдіктің жанындағы Іскерлік кеңестің отырысы барысында Алматы әкімі Ахметжан Есімов мәлім етті, деп хабарлайды Kazakhstan Today.
Ахметжан Есімовтың айтуынша, "Самұрық - Қазынамен" қол қойған меморандумға сәйкес "ұлттық компаниялар Алматы қаласының тауар өндірушілерінен 150 млрд теңгенің өнімдерін сатып алуды жоспарлауда". "Биыл 32 млрд болды, ал келесі жылға бұдан да биік межені көздеп отырмыз", - деді ол.
Сондай-ақ, Ахметжан Есімовтың айтуынша, "қаладағы кәсіпкерлерді қаржылай қолдау үшін "Самұрық - Қазына" қорының басты бағдарламалары бойынша өңдеу өнеркәсібінің кәсіпорындарын қолдауға бөлінген қаражаттан кем дегенде 40% қаржы бөлу жоспарлануда".
Оның нақтылауынша, бұған қоса "7 - 8 желтоқсанда жергілікті бюджеттік бағдарламалардың әкімшілері өз сатып алуларын жайып салады, ол әкімдік ғимаратында өтеді".
"Бүгінде 2000-нан астам кәсіпорын тіркеліп отыр, оған әркім де қатыса алады, әлі де уақыт бар. Және біз осы мемлекеттік сатып алуларды мейлінше ашық әрі түсінікті жүргізуге тиіспіз, бұл ретте осы жылғы тәжірибе мен бұрынғы кемшіліктер ескерілуі қажет", - деді әкім.
Жалпы алғанда Ахметжан Есімовтың айтуынша, ағымдағы жылы Алматының бюджеті 235 млрд теңге болды. "Бізде бұрын-соңды мұндай бюджет болған емес, ол тіпті былтырғыдан да шамамен 10% артық. Бұл бізге қалалық бағдарламаларды, бірінші кезекте әлеуметік бағдарламаларды атқаруға мүмкіндік берді", - деді ол.
"Бірақ соған қарамастан, екінші деңгейлі банктердің несиелендіруі секілді аса маңызды көрсеткіш 28%-ға қысқарды. Соның ішінде шағын бизнес 396 млрд алып, көлемі 28% азайды. Егер дағдарысқа қарсы шаралардың аясындағы қолдау болмағанда, ахуал біршама күрделі болар еді", - деді ол.
"Тұрақтандыру бағдарламасы аясында үш транштың қорытындысы бойынша Алматының шағын және орта бизнесі 90 млрд теңге алды, бұл - республика бойынша бөлінген барлық қаржының шамамен 40%-ы", - деді Ахметжан Есімов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.