"Самұрық-Қазына" АҚ басқарма мүшелеріне берілген сыйақы туралы ақпарат шындыққа сай келмейді
Астана. 2 Қыркүйек. Kazakhstan Today - Бүгін "Самұрық-Қазына" АҚ Қордыӊ басқарма мүшелеріне тағайындалған сыйақылар туралы шындыққа сай келмейтін ақпараттыӊ БАҚ-та жариялануына қатысты баспасөз мәслихатын өткізді, деп хабарлайды Kazakhstan Today агенттігініӊ тілшісі.
Шараға Қордыӊ Қаржы директоры - басқарма мүшесі Нұрлан Рахметов пен Қордыӊ адам ресурстарын басқару жөніндегі Бас директоры Дэниель Крюсберг қатысты.
"БАҚ-та жарияланған бұл ақпараттар шындыққа сай келмейді. Өйткені бұл 2013 жылғы жұмыс қорытысына қатысты мәліметтер. Бұл соманыӊ ішінде жылдық жалақы мен салықтар және өзге де міндетті төлемдер қоса есептелген", - деді Қордыӊ қаржы директоры - басқарма мүшесі Нұрлан Рахметов.
Айтуынша Қор 2013 жылы жоғары нәтижелерге қол жеткізді. Екінші деӊгейлі банктерді есептемегенде таза табыс 654 млрд. теӊге, ал EBITDA margin көрсеткішісі - 21,3% межесінде болды. Ел бюджетіне өтелген салық пен өзге де міндетті төлемдер сомасы 913 млрд. теӊге. Кеӊейтілген дивиденттердіӊ жалпы көлемі (акционердіӊ пайдасына үлестірілген, яғни үкіметке берілген) 157 млрд. теӊгені құрады.
Бұдан бөлек, 2013 жылы қаражатты үнемдейтін бірқатар ауқымды бастамалар іске асты. Мысалы шығындарды оӊтайландыру арқылы 50 млрд. теӊге үнемделді. Тек электронды сатып алулар жүйесін енгізудіӊ арқасында 2013 жылы 16 млрд. теӊге үнемделді.
"KPI картасына сай Қордыӊ басқарма төрағасы Өмірзақ Шөкеевтіӊ жұмыс нәтижелілігі 100%-дан жоғары, ал корпоративтік басқару рейтингі бойынша 125%"-деді Нұрлан Рахметов.
Үкімет бекіткен ережеге сай сыйақы беру туралы шешімді тек директорлар Кеӊесі қабылдайды. Ирі бұл шешім компания қызметініӊ нәтижесіне, соныӊ ішінде тыӊ бастамаларды жүзеге асыруға да байланысты.
2014 жылғы жұмыс нәтижесі бойынша бонустардыӊ көлемі айтарлықтай қысқартылды.
Баспасөз мәслихаты барысында Қордыӊ топ-менеджментіне еӊбекақы мен сыйақы төлеудіӊ құқықтық негіздері мен есептеу әдістемесі және KPI картасы таныстырылды. Халықаралық компаниялармен салыстыра отырып жүргізілген талдаулардыӊ нәтижесі жария етілді.
"Самұрық-Қазына" АҚ Корпоративтік коммуникациялар бөлімі
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.