Сыр өңірінде сүт кластері жолға қойылды
Индустрияландыру бағдарламасы аясында Қызылорда облысының Қазалы ауданында ашылған тауарлы сүт фермасы табысты жұмыс жасауда. Осыдан 2 жыл бұрын Венгриядан әкелінген асыл тұқымды сиырлар бүгінде екі рет төлдей бастады.
Астана. 28-желтоқсан. Kazakhstan Today - Сыр өңірінде сүт кластері жолға қойылды, деп хабарлайды Kazakhstan Today агенттігінің тілшісі.
Хабара агенттігінің хабарлауынша, Индустрияландыру бағдарламасы аясында Қызылорда облысының Қазалы ауданында ашылған тауарлы сүт фермасы табысты жұмыс жасауда. Осыдан 2 жыл бұрын Венгриядан әкелінген асыл тұқымды сиырлар бүгінде екі рет төлдей бастады.
Осылайша молынан сүт беретін мүйізді ірі қаралардың саны көбейіп, өнім көлемі де арта түсті. Заманауи талаптарға сай тауарлы сүт фермасындағы сиырлардың әрқайсысы тәулігіне 26 литр сүт береді. 660 бас Голштино Фриз түқымды мүйізді ірі қаралар осыдан 2 жыл бұрын Венгриядан әкелінген болатын. Бүгінде бұл асыл түліктер екі мәрте төлдеп, саны 1700-ден асып кетті. Мал басын көбейтіп, өнімді арттыру үшін күтім керек. Азық құрамына дейін ерекше бақылауда ұстаймыз,- дейді зоотехник Жеңіс Қарабалаев.
Қолдан ұрықтандыру арқылы 100 пайыз сүт бағытындағы сиырлардың санын көбейтуге қол жетіп отыр. Алып кешенде сауынға арналған, бұзауларға және төлдеуге арналған орындар бар. Азық дайындаудан бастап, тазарту, сауу жұмыстары толық автоматтандырылған жүйемен жүреді. Осы жерден тәулігіне 12 тонна сүт алынып, кәсіпорынның сүт зауытына жіберіледі.
Тәуліктік қуаты 30 тонналық зауытта күн сайын 10 түрлі сүт өнімдері дайындалып, өзге өңірлерге және облыс көлемінде сатылады. Жуырда түрлі балар тағамдарын жасау қолға алынбақ. Ең бастысы тауарлы сүт фермасының қалыпты жұмыс жасауына мемлекет тарапынан қолдау бар. Асыл тұқымды мал басына, қолдан ұрықтандыру шараларына және сүт өнімдерінің әр литріне субсидия бөлінуде.
Өткен жылы "Жылдың үздік тауары" байқауында 3-ші дәрежелі дипломмен марапатталған кәсіпорын халықаралық стандарт негізінде жұмыс жасауда. Сүт кластерін жолға қойған ферма биылдан бастап "ҚазАгроқаржы" компаниясынан алған қомақты несиені қайтаруға кіріспек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.