АСТАНА. 29-наурыз. Kazakhstan Today. Соңғы үш жылда Қазақстан экономикасында әртараптандыру байқалған жоқ. Бұл жөнінде кеше "Аймақ" депутаттар тобының мәжілісінде топ жетекшісі Дариға Назарбаева мәлімдеді, деп хабарлайды Kazakhstan Today агенттігінің тілшісі.
"Сараптама қорытындылары мен әлеуметтік экономикалық дамудың орта мерзімді бағдарламаны жүзеге асыру нәтижесі, республика экономикасының жеделдетілген диверсификация және бәсекелестік жолында дамымағанын көрсетеді"-деді Д.Назарбаева. "Байқағанымыз шын мәнісінде ІЖӨ құрылымында тауар өндіру көлемі төмендеп барады. Тауар экспорты құрылымында минералды өнімдердің үлесі басым-71,9%, ал шикізаттық емес тауарлардың үлесі 6-7%",-деді депутат.
"Исіресе өткір тұрған мәселе отандық кәсіпкерлікті қолдау және дамыту",- деді Д.Назарбаева. "Соңғы жылдары капитал елден жылыстауда. Инвестициялар бизнеске жеңілдік жасалған көрші нарыққа кетіп жатыр", деді ол.
Сонымен қатар, " инфляция деңгейі орташа алғанда 2006 жылы 8,6% құрады, ал жоспарланғаны 5-7%, коммуналдық қызметтердің тарифтері мен баға өсіп барады.
"Үкімет 2005-2006 жылдары жалақыны, зейнетақы мен жәрдемақыны көбейткен жоқ. Бюджет саласы қызметкерлерінің жалақылары небәрі 20% өсті. Сарапшылардың пікірінше күнкөріс деңгейі 20 мың теңгеден кем болмауы тиіс",-деп атап өтті Д.Назарбаева.
Депутат өз сөзін, "жалпы алғанда мемлекеттің соңғы үш жылдағы экономикалық көрсеткіштері көңіл көншітерлік емес",- деп қорытындылады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Соңғы үш жылда Қазақстан экономикасында әртараптандыру байқалған жоқ - мәжіліс депутаты
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.