Танзания өкілдері Оӊтүстік Қазақстан облысындағы уран өндірісі мүмкіндіктерімен танысты
Шымкент. 29 қыркүйек. Kazakhstan Today - Бүгін Оӊтүстік Қазақстан облысы Созақ ауданыныӊ әкімі Мақсат Исаев Біріккен Танзания мемлекетініӊ делегациясымен кездесті,- деп хабарлайды Kazakhstan Today.
Жиын екіжақты ынтымақтастық және экономикалық қарым-қатынасты нығайту тақырыбында өтті. Созақ ауданындағы уран өндіретін "Uranium one" компаниясыныӊ жұмысымен танысқан танзаниялықтар өндірісті дамытуда тәжірибе алмасуға, үйренуге дайын екендіктерін жеткізді. Осы өӊірдегі уран компанияларыныӊ әлеуетін жоғары бағалады.
Аудан басшысы Біріккен Танзания мемлекетінен келген қонақтарға ауданныӊ әлеуметтік-экономикалық дамуы жөнінде ой қозғады. Күрделі әрі қиын сала уран өндірісі арқылы ауданныӊ экономикалық жағдайы көтеріліп, жергілікті қазынаға қомақты үлес қосып келе жатқанын айтты. Шағын және орта кәсіпкерлікті дамыту осы бағытқа бейімделіп келе жатқанын мәлімдеді.
"Қазіргі таӊда аудан орталығанан арнайы жер бөлініп, индустриялық аймақ құрылды. Ол жаққа өндірісті дамытуға қажетті инфрақұрылым тартылды. Мұнда орналасқан зауыттарда уран өндірісіне қажетті құрал-жабдықтар шығарылады. Осы арқылы аудандағы кәсіпкерлікті дамытамыз деген сенім бар"- деді Мақсат Исаев.
Біріккен Танзаниядан келген өкілдер меймандостық танытқан созақтықтар мен аудан басшысына алғысын айтты.
Осы басқосуда аудан әкімі уран саласында аянбай еӊбек етіп жүрген бірнеше үздік мамандарға алғыс хатын табыс етті. Оларды атом саласы қызметкерлерініӊ төл мерекесімен құттықтап, жұмыстарына табыс тіледі.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.