Тарифтік кірістің есебінен ТКШ нысандарына 452 млрд. теңге инвестицияланады
Реттелетін қызмет көрсетулер саласындағы тарифтік кірістердің есебінен ТКШ, сумен жабдықтау және су бұру нысандарына қомақты инвестиция салу жоспарлануда, деп хабарлады кеше өткен Үкімет отырысында Табиғи монополияларды реттеу агенттігінің төрағасы Мұрат Оспанов.
Астана. 16-мамыр. Kazakhstan Today - Тарифтік кірістің есебінен ТКШ нысандарына 452 млрд. теңге инвестицияланады, деп хабарлайды Kazakhstan Today агенттігінің тілшісі.
Реттелетін қызмет көрсетулер саласындағы тарифтік кірістердің есебінен ТКШ, сумен жабдықтау және су бұру нысандарына қомақты инвестиция салу жоспарлануда, деп хабарлады кеше өткен Үкімет отырысында Табиғи монополияларды реттеу агенттігінің төрағасы Мұрат Оспанов.
"2011-2020 жылдарға арналған "ТКШ жаңғырту" және "Ақ бұлақ" бағдарламаларына сәйкес, реттелетін салалардағы тарифтік кірістің есебінен ТКШ нысандарына - 452 млрд. теңге, сондай-ақ сумен жабдықтау және су бұру нысандарына - 113 млрд. астам теңге инвестиция салу жоспарлануда",- деді М.Оспанов Үкімет отырысында сөйлеген сөзінде.
Таратып айтар болсақ, сумен жабдықтау және су бұру секторына - 113,6 млрд. теңге, жылу энергиясы секторына - 140,3 млрд. теңге және электр желілері секторына - 271,3 млрд. теңге инвестициялық салым қарастырылуда. "Ақ бұлақ" және "ТКШ жаңғырту" бағдарламаларына сәйкес, реттелетін салалардағы тарифтің есебінен 2011 жылдың қорытындысы бойынша 36 млрд. теңге инвестиция салынған болатын.
Агенттік сондай-ақ, "Ақ бұлақ" бағдарламасына тартылған табиғи монополиялардың базалық субъектілерінің қызмет тарифтерін қайта қарамақ және мемлекеттік-жекеменшік әріптестікті енгізу жұмысын жеделдетуді ұсынуда.
Оған қоса, 2013 жылдан бастап өңірлік электр желісі компаниялары (РЭК) салыстырмалы талдаудың жаңа әдісіне (бенчмаркинг) ауысатын болады. Барынша нәтижелікке бағытталған бекітілген өлшемдер бойынша ең үздік электр желісі компаниялары анықталады және қалған компаниялар соларға бой түзейтін болады.
"Тарифтік саясатты жетілдірудегі мақсат табиғи монополия субъектілерін, оның ішінде жылу, су шаруашылығы және электр желілерін жаңарту және жаңғырту үшін қосымша мүмкіндіктер қарастыру, қызмет сапасын арттырып, тиімсіз шығындарды, электр ресурстарының шығындарын азайту болып табылады", - деді Агенттік басшысы өз сөзінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.