Төрт қазақстандық балық өңдеуші жаңа кәсіпорын ЕО импорттаушыларының тізіміне кірді
Астана. 15-желтоқсан. Kazakhstan Today - Төрт қазақстандық балық өңдеуші жаңа кәсіпорын ЕО импорттаушыларының тізіміне кірді, деп хабарлайды Kazakhstan Today агенттігінің тілшісі ҚазТаг ақпараттық агенттігіне сілтеме жасай отырып.
Еуропалық комиссия 4 қазақстандық балық өңдеуші жаңа кәсіпорынды Еуропа одағының (ЕО) импорттаушыларының қатарына қосты, деп айтылған ҚР ауыл шаруашылығы министрлігінің (АШМ) таратқан ақпаратында.
"Еуропалық комиссия Еуропа одағы импорттаушыларының тізіміне бұрынғы алты қазақстандық балық өңдеуші кәсіпорыннан басқа, тағы төрт балық өңдеуші кәсіпорынды қосты, олар: Атырау облысы Дамбы ауылындағы "Амангелді" ӨК; Оңтүстік Қазақстан облысы Шардара қаласындағы "Хамит" АТК; Алматы облысы Қапшағай қаласындағы "Рыбпром" ЖШС; Шығыс Қазақстан облысы Төре Там ауылындағы "Восток Бизнес Трэйд" ЖШС", - делінген баспасөз хабарламасында.
ҚР АШМ ветеринариялық бақылау және қадағалау комитеті мақұлдаған балық өндіруші кәсіпорындар инспекциялау актілері бойынша Еуропа одағының регламенттеріне сәйкес келеді. Шығарылатын өнімдердің бәрі ҚР мемстандарт ИСО/МЭК 17025 талаптары бойынша аккредитацияланған ветеринариялық зертханаларда Еуроодақтың регламенті бойынша зерттеледі.
Балық өндіруші кәсіпорындар өндірісте ХАССП жүйесін енгізген және шығарылатын балық өнімдерін ішкі бақылау арқылы қадағалайды. Мұнда барлық технологиялық, гигиеналық ережелер сақталады.
Қазақстанда алғаш рет ветеринария жөніндегі ұлттық референттік орталықта Еуроодаққа экспортталатын балық пен балық өнімдеріне диоксин және диоксинтүрлес заттарға жоспарлы түрде зерттеулержүргізіледі. Бұған дейін диоксин және диоксинтүрлес заттарға жоспарлы зерттеулер Ресей институттарында жүргізіліп келді.
Осылайша, жаңа қосылған төрт кәсіпорынды қоса есептегенде, қазақстандық 10 балық өңдейтін кәсіпорынды Еуроодақ мақұлдап, оларға Еуроодақ аумағына балық өнімдерін экспорттауға рұқсат берді. 2010 жылдан бері Еуропа одағына 3 мың тоннадан аса қазақстандық балық өнімдері экспортталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.