Тұрғын үй құрылыс жинақ банкі жас отбасыларға арнап жалгерлік тұрғын үйді сату жұмысын бастайды
"2013 жылғы басты мақсатымыз - "Қолжетімді баспана-2020" бағдарламасының жаңа бағыты - жалгерлік тұрғын үй бағытын жүзеге асыру. 2013 жылдың 1 қаңтарынан бастап мемлекеттік бағдарламаның жас отбасыларға арналған жаңа бағдарламасы іске асырыла бастайды, яғни жас отбасылар үшін және азаматтардың несиені төлей алмайтын санаттары үшін жалгерлік тұрғын үйлер сатылып алына бастайды", - деді Н.Наурызбаева.
Астана. 9-қаңтар. Kazakhstan Today - 2013 жылдан бастап "Қазақстанның Тұрғын үй құрылыс жинақ банкі" АҚ "Қолжетімді баспана-2020" бағдарламасының жаңа бағыты - жас отбасыларға арнап жалгерлік тұрғын үй сатып алуды бастайды, деп хабарлайды Kazakhstan Today агенттігінің тілшісі.
Бұл туралы банк басқармасының төрайымы Нұрбибі Наурызбаева ҚТҚЖБ-нің Орталық филиалының ашылуына арналған баспасөз конференциясында мәлім етті.
"2013 жылғы басты мақсатымыз - "Қолжетімді баспана-2020" бағдарламасының жаңа бағыты - жалгерлік тұрғын үй бағытын жүзеге асыру. 2013 жылдың 1 қаңтарынан бастап мемлекеттік бағдарламаның жас отбасыларға арналған жаңа бағдарламасы іске асырыла бастайды, яғни жас отбасылар үшін және азаматтардың несиені төлей алмайтын санаттары үшін жалгерлік тұрғын үйлер сатылып алына бастайды", - деді Н.Наурызбаева.
Ол банк бүгінгі күні жаңа бағытты жүзеге асыруға толығымен дайын, енді жергілікті атқару органдарымен бірлесіп өзара әрекеттестіктің түбегейлі тетіктерін ойластыруда екенін айтты, себебі қатысушылар тізімі жергілікті атқару органдары арқылы қалыптастырылатын болады.
Сондай-ақ төрайым, үстіміздегі жылғы мақсаттардың қатарында клиенттік базаны ұлғайтуды да атап өтті. 2013 жылы банк 90 мыңнан астам жаңа клиент тартып, 50 млрд астам жаңа заемдар беруді жоспарлап отыр.
Атап өту қажет, 2012 жылы "Қазақстанның Тұрғын үй құрылыс жинақ банкі" АҚ жалпы сомасы 219,2 млрд теңге болатын 88 912 келісім шарт жасаған, ал банк салымшыларының жинақтарының жалпы көлемі бір жыл ішінде 80% ұлғайып, 129,85 млрд теңгені құраған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.