Үкімет 7 компанияның сертификаттау кезінде келтірілген шығынын қайтарды
Қазақстан Республикасы Үкіметі тарапынан индустриялық-инновациялық қызмет субъектілерін қолдау аясында 7 компанияның сапа менеджменті жүйесі, тауары мен қызметін сертификаттау кезіндегі келтірілген шығыны қайтарылды, - деп хабарлайды ҚР ИЖТМ.
Алматы. 22 шілде. Kazakhstan today. Қазақстан Республикасы Үкіметі тарапынан индустриялық-инновациялық қызмет субъектілерін қолдау аясында 7 компанияның сапа менеджменті жүйесі, тауары мен қызметін сертификаттау кезіндегі келтірілген шығыны қайтарылды, - деп хабарлайды ҚР ИЖТМ.
"KSP Steel" ЖШС, "Astana Solar" ЖШС, "КПМ Пласт" ЖШС, "Format Mach Company Инжиниринг" ЖШС, "Қазлегпром-Алматы" ЖШС, "Исмер СпецЭксклюзив" ЖШС, "Жігермұнайсервис" ЖШС компанияларына ISO, API, ASTM секілді өзге де халықаралық талаптарға сай сапа менеджменті жүйесі, тауар, жұмыс пен қызметті сертификаттау кезіндегі келтірілген шығын қайтарылды.
ҚР Үкіметінің 2012 жылдың 9-ыншы шілдесіндегі Қаулысына сай, 27 түрлі өндіріске шығын қайтарылады, солардың арасында электр құрылғысын, текстиль бұйымдарын, резеңке, пластмасса бұйымдарын дайындау және басқалары.
"KSP Steel" ЖШС бас директоры Эдуард Креймердің айтуынша, аталмыш компания мұнай-газ саласына арналған тігіссіз трубаларды өндірумен айналысады. Мемлекеттік қолдауының осындай шаралары кәсіпкерліктің сапа менеджменті жүйесінің дамуына жол ашып, нарықта өз орнын тауып қана қоймай, сонымен қатар көшбасшылық көрсеткіштерге де жетелейді.
Естеріңізге сала кетейік, шығындарды өтеу деңгейі соманың 50%-ын құрайды. алайда бұл көрсеткіш 3000 АЕК-тен аспауы тиіс. Қазақстандық өндірушілердің шығынарын қайтарудың тағы бір шарты "Қазақстандық қамту" порталының тауар, жұмыс, қызмет пен олардың мердігерлерінің мәліметтер базасында тіркелуі.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.