Илемдік экономикалық архитектураға жаңа көзқарас
Қазақстанның елордасында 22-24 мамырда V Астана экономикалық форумы өтеді. Форум "Жаһандық трасформация жағдайында әлемдік экономиканың даму проблемалары мен оның болашағы" деген тақырыпқа арналады.
Астана. 22-мамыр. Kazakhstan Today - Илемдік экономикалық архитектураға жаңа көзқарас, деп хабарлайды Kazakhstan Today агенттігінің тілшісі.
Қазақстанның елордасында 22-24 мамырда V Астана экономикалық форумы өтеді. Форум "Жаһандық трасформация жағдайында әлемдік экономиканың даму проблемалары мен оның болашағы" деген тақырыпқа арналады.
23 мамырда ҚР Президенті Н.Назарбаевтың қатысуымен V Астана экономикалық форумының салтанатты ашылу рәсімі өтеді.
Форум бағдарламасында әлемнің 85 елінен келетін 6500 астам делегаттың қатысуымен 40-тан астам іс-шара өтеді. Форумға танымал мемлекеттік қайраткерлер, халықаралық сарапшылар, Нобельдік сыйлықтың лауреаттары қатысады. V Астана экономикалық форумның аясында "Connect Kazakhstan" Еуразиялық ақпараттық-коммуникациялық технологиялар форумы, VII Инновациялық конгресс, "Қазақстанның энергия-экологиялық бастамалары" атты Жаһандық энергия-экологиялық форум, "Astana Invest 2012" Инвестициялық форумы және т.б. шаралар өтеді. Форумда сондай-ақ Елбасының бірегей бастамасы - "G-Global" жаңа коммуникативті алаңы таныстырылады.
Оған қоса, форум аясында Тәуелсіздік сарайында көрме ашылады. Онда Қазақстанның 50-ден астам ең перспективалы және жоғары технологиялық жобасы таныстырылады. Және ҚР Премьер-Министрінің Pm.kz ресми сайтында 24 мамырда сағат 17.30-да "Көшбасшылар диалогы: жаңа қаржылық-экономикалық саясат" жарыссөзінің онлайн-таратылымы өтеді. Пікірталас барысында жоғары лауазымды саясаткерлер мен экономистер әлемдегі қазіргі қаржылық-экономикалық cілкіністер туралы өз сараптамалық пікірлерін ортаға салады. Жиынға қатысушылар сондай-ақ әлемдік экономиканың өзекті мәселелерін қарайды және G-20-ның қаржылық реттеу және қадағалау жөніндегі міндеттемелерінің орындалу жағдайын талқылайды.
Диалогқа қатысушылардың арасында Қазақстанның Премьер-Министрі Кәрім Мәсімов, Ұлыбританияның бұрынғы премьері Тони Блэр, Италияның экс-премьері Романо Проди, Мадрид клубының президенті Вим Кок, ДСҰ Бас директорының орынбасары Алехандро Хара, Жаңарған Бреттон-Вуд комитетінің Атқарушы директоры Марк Узан, Экономикалық ынтымақтастық және даму ұйымының бұрынғы бас хатшысы Дональд Джонстон және т.б. бар. Жарыссөзге сондай-ақ Нобельдік сыйлықтың лауреаттары, танымал журналистер қатысады.
V Астана экономикалық форумының негізгі қорытындысы әлемдік экономиканы сауықтыру және дамыту жөніндегі ел үкіметтеріне жасалған ұсыныс-кеңестердің Ашық хаты болмақ. Құжат G-8 және G-20 ұйымдастыру комитеттеріне, Біріккен Ұлттар Ұйымына, Халықаралық валюталық қорға, Дүниежүзілік банкке, Экономикалық ынтымақтастық және даму ұйымына жолданады.
Форум күндері Pm.kz сайты V Астана экономикалық форумының басты оқиғаларын, негізгі спикерлердің сөздерін, сондай-ақ форумға қатысушы белгілі тұлғалармен болған арнайы сұхбаттарды жариялап отырады. Біздің сайтымыздан жаңалық күтіңіздер.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.