АЛМАТЫ. 25-қаңтар. Kazakhstan Today. Қазіргі уақытта ҚР Ұлттық банкіне теңге нышанының бейнелерімен түрлі нұсқадағы 200-ден астам жұмыс түсті. Бұл туралы Kazakhstan Today тілішісіне Ұлттық банктің баспасөз қызметі хабарлады.
"2007 жылдан бастап теңге шын мәнінде еркін айырбасталатын валюта болады, демек оның өзінің нышаны болуы тиіс. Халықаралық практикада осылай. Сондықтан теңгенің графикалық белгісін жасау жұмысы өзекті мәселе ғана емес, ол - болашаққа ұмтылу. Теңгенің өзіндік бет-әлпеті болады және бұл оның әлемде танымал болуына мүмкіндік береді",- дейді "Қазкоммерцбанк" АҚ директорлар кеңесі төрағасының орынбасары, конкурстық комиссияның төрағасы Дәулет Сембаев.
Қазақстан Республикасының Ұлттық банкі теңгенің нышанын жасауға арналған байқауды өткен жылғы қараша айында жариялаған болатын. "Ұлттық валютаның графикалық бейнесін енгізу қаржылық құжат айналымын жеңілдетіп қана қоймайды, оның халықаралық аренадағы жай-күйін нығайтады және теңгені әлемдік экономикалық кеңістікте танымал етеді, бұл Қазақстанның ДСҰ-на енуі және біздің республикамыздың дүние жүзіндегі бәсекеге қабілетті 50 елдің қатарына кіруі үшін маңызы зор", дейді банктегілер.
"Теңге нышаны" байқауы жалпыұлттық, демек оған жасына қарамай кез келген адам қатыса алады. Ең кішісі - 7 жас. Байқаудың шарттары біршама қарапайым. Теңгенің идеограммасын - стильді белгісін жасау керек, ол ықшам және технологиялық сипатта болуы тиіс. Яғни кез-келген тасымалдауышта ұтымды, көлемі өзгерген кезде оқылатын, ақ-қара түспен орындау кезінде анық және көзге жақсы көрінуі тиіс. Оны байқауға қатысушылар графикалық және көркем түспен, А-4 форматында орындай алады және жұмысқа қоса нышан тұжырымдамасының сипаттамасын бірге береді.
Өтінімдерді берудің соңғы мерзімі 2007 жылғы 1 наурыз. Байқау жеңімпазы 22 наурызда жарияланатын болады. Оған жіберілген жұмыстарды арнайы комиссия қарайтын болады, оның құрамына түрлі қызмет саласындағы адамдар кірген.
Байқау "Кәсіби" номинациясымен қоса тағы екі номинация "Халықтық" және "Балаларға арналған" аталыммен өткізіледі. "Кәсіби" номинациясының жеңімпазы ұлттық валюта нышанының "ата-анасы" болып танылады және бас жүлде ретінде ҚР Ұлттық банкі тағайындаған 150 мың теңге мен "Альянс-Банктен" 5000 мың доллар сыйақы алады. "Халықтық" және "Балаларға арналған" номинациялардың "кәсібиден" басты айырмашылығы - бұған өтінімдер қабылданған кезде аса қатты талап қойылмайды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ұлттық банкке теңгенің нышанын жасауға арналған байқауға 200-ден астам жұмыс түсті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.