Изірбайжандық компаниялар Қазақстандағы логистикалық орталықты құруға қатысу мүмкіндігін қарастыруда
Изірбайжандық компаниялар Батыс Қазақстандағы логситикалық орталықтың құрылуына және бұл орталық арқылы аймақтың азық-түлік қауіпсіздігін қамтамасыз етуге қатыса алады.
Астана. 11-қаңтар. Kazakhstan Today - Изірбайжандық компаниялар Қазақстандағы логистикалық орталықты құруға қатысу мүмкіндігін қарастыруда, деп хабарлайды Kazakhstan Today агенттігінің тілшісі.
Изірбайжандық компаниялар Батыс Қазақстандағы логситикалық орталықтың құрылуына және бұл орталық арқылы аймақтың азық-түлік қауіпсіздігін қамтамасыз етуге қатыса алады.
Бұл туралы кеше Баку қаласында ҚР Премьер-Министрінің орынбасары Қырымбек Көшербаевпен кездесуден кейін Изірбайжанның экономикалық дамыту министрі Шахин Мұстафаев айтты.
"Қазақстанның батыс облыстарымен ынтымақтастық мүмкіндіктерін зерттеу мақсатында әзірбайжандық делегацияның Ақтау қаласына сапары, сондай-ақ бірлескен бизнес-форумды ұйымдастыру күтіледі", - деді министр Ш.Мұстафаев.
Оның айтуынша, Изірбайжан мен Қазақстан арасындағы іскерлік байланыстар өзара құрметтеушілік пен өзара тиімді ынтымақтастық принциптеріне сүйенеді. Бүгінде екі елдің арасында 20-ға жуық құжатқа қол қойылды, берік келісімдік-құқықтық база құрылды.
Өз кезегінде Қ.Көшербаев Қазақстанда Изірбайжанмен ынтымақтастықты кеңейтуге, әзірбайжандық экономиканың түрлі салаларында, әсіресе аграрлық секторында қолданылатын алдыңғы қатарлы технологиялар мен әдістерге үлкен қызығушылықтың бар екенін жеткізді.
Кездесу барысында ынтымақтастықты кеңейтудің болашағы, экономиканың түрлі салаларындағы байланыстарды дамыту мәселелері талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.