Жалға берілетін баспананы сату және кейін сатып алу ережелері 1,5 - 2 айдан кейін жария етіледі - Жылжымайтын мүлік қоры
Жалға берілетін баспананы сату және кейін сатып алу ережелері 1,5 - 2 айдан кейін жария етіледі - Жылжымайтын мүлік қоры
Астана. 29 мамыр. "Қазақстан Бүгін" - Жалға берілетін баспананы сату және кейін сатып алу ережелері 1,5 - 2 айдан кейін жария етіледі. Бұл туралы бүгін "Жылжымайтын мүлік нарығын қолдау шараларының жүзеге асырылуы жөніндегі" баспасөз мәслихатында "Самұрық - Қазына" Жылжымайтын мүлік қоры" АҚ басқармаларының төрағасы Госман Амрин мәлім етті, деп хабарлайды "Қазақстан Бүгін" агенттігінің тілшісі.
"Біз қазір алдын-ала өтініштер бойынша арнаулы мәліметтер базасын жасап жатырмыз және барлық ақпаратты Жылжымайтын мүлік қорының атын жолдаудамыз. Біз барлығын жүйелеп жатырмыз, бізде қазір алғашқы өтінімдер бар, олар жеке тұлғалардан да, ұйымдардан да келіп түсуде", - деді Г. Амрин.
Оның айтуынша, жалға берілетін баспананы сату және кейін сатып алу ережелері 1,5 - 2 айдан кейін жария етіледі.
Қор басшысының айтуынша, ереже тұрғын үй қатынастары саласын реттейтін заңға тиісті өзгерістер енгізілмейінше, жария етілмейді.
"Жал төлемі" деген не, оның табиғаты қандай, егер адам кейінірек сатып алу құқығынсыз жалға алса, ондай жағдайда "жал төлемі" не болмақ, егер ол сатып алу құқығымен алса, онда "жал төлемі" деген не екендігіне айқын түсінік беру керек. Кез-келген ғимаратты біраз уақыттан кейін жөндеу қажеттігі туындайтыны түсінікті, мәселенің мәнісі осыда", - деді Г. Амрин.
Сонымен бірге, қор басшысының айтуынша, алаяқ жалға алушыларға қатысты арықарайғы іс-әрекеттерге байланысты мәселелерді ерте бастан ойластыру қажет. "Бүгінгі заңнамаға сәйкес, жалға пәтер алған адамды жалға алған баспанасы үшін ақы төлемей қойса, тек соттың шешімімен ғана төлеуге мәжбүрлеуге болады. Бұл ауқымды процедура және оған жаңа түзету қабылдау көмек болмақ", - деді Г. Амрин.
Оның айтуынша, келешек жалға алушы пәтерді алудан үміткер болу үшін оның жалға берушінің алдындағы қаржылық жауапкершілігін қамтамасыз ететін депозит ашуға тиіс.
"Жалға алудың кез-келген жүйесі жалға алмас бұрын адам қандайбір депозит ашуға тиіс екенін білдіреді, мәселен, егер ол осы бөлмеге немесе пәтерге өзінің іс-әрекеттерімен орны толмас шығын келтіріп жатса, депозит оның жалға берушінің алдындағы жауапкершілігін сақтандырады", - деді Г. Амрин.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.