Жыл соңына дейін нормативтік базада құнды қағаздардың түрлерін айқындап алу қажет - Алматы өңірлік қаржы орталығының іс-қызметін реттеу жөніндегі агенттігінің төрағасы
Жыл соңына дейін нормативтік базада құнды қағаздардың түрлерін айқындап алу қажет - Алматы өңірлік қаржы орталығының іс-қызметін реттеу жөніндегі агенттігінің төрағасы
Астана. 13 мамыр. "Қазақстан Бүгін" - Жыл соңына дейін нормативтік базада құнды қағаздардың түрлерін айқындап алу қажет. Бұл туралы Алматы өңірлік қаржы орталығының іс-қызметін реттеу жөніндегі агенттігінің төрағасы Аркен Арыстанов сенат депутаттарымен кездесу барысында мәлімдеді , деп хабарлайды агенттік тілшісі.
""Сбербанк" акцияларына сертификат пен индекстік фонд секілді жаңа екі құрал шығару барысында біз еліміздегі нормативтік база бұл құралдарды өз алаңымызға шығаруға мүмкіндік бермейтінін біліп, тауқыметке тап болдық. Қазір біз Қаржылық бақылау агетнтігімен бірлесіп осындай нормативтік базаның жобасын жасап жатырмыз", -деді А. Арыстанов.
Сонымен бірге, оның айтуынша, тиісті нормативтік базаның жобасын жасаумен қатар, "салықтық ынталандырулар да жоқ екендігі анықталды".
"Салық мамандарының оны қалай есепке алу қажеттігінен түсінігі де, тәжірибесі де жоқ. Сол себепті біз биыл туынды құнды қағаздардың түрлерін айқындау және салық әкімшілігі тетіктерін айқындау жұмыстарын аяқтау қажет деген ұсыныс жасадық", - деді агенттік төрағасы.
Сонымен бірге, оның айтуынша, "заңнамада компаниялар үшін емес, көбінесе инвесторлар үшін ғана салықтық ынталандырулар болған".
"Бірақ инвесторлар алуға тұрарлық құрал болса, онсыз да сатып алады. Сондықтан біз эмитенттер үшін ҚҚС азайту, кіріс салығын азайту секілді салық ынталандыруларын жасауды ұсындық. Қазір үкімет осындай шаралардың жобасын жасауда", - деді А. Арыстанов.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.