Система Orphus

Атырауда синтетикалық есірткінің 650 дозасы тәркіленді

25.12.2020 32833
Атырауда синтетикалық есірткінің 650 дозасы тәркіленді
Атырау. 25 желтоқсан. Kazakhstan Today - Атырауда полиция қызметкерлері сатуға дайындалған синтетикалық есірткінің 650 дозасын тәркіледі. 
 
Полиция басқармасының Жедел басқару орталығының инспекторлары облыс орталығы ықшам аудандарына бейнемониторингі жүргізу барысында ұялы телефонымен айналасын түсіріп жүрген, күдікті көрінген жас жігітке бірден назар аударды. 
 
Департаменттің есірткі қылмысына қарсы іс-қимыл басқармасының қызметкерлерімен ұсталған жігіт көршілес Ақтөбе облысының тұрғыны болып шықты, ол Атырауға синтетикалық есірткіні бетбелгілер (закладки) арқылы сату үшін арнайы келгені белгілі болды. 
 

Жеке басын, сондай–ақ тұрғылықты мекен жайын тінту кезінде күшті әсер ететін пирролидиналерофенон препараты (альфа-ПВП) табылып, алынды. Тәркіленген синтетикалық есірткінің жалпы салмағы 208 граммды құрады. Ал одан 650 астам доза дайындалады", – деп атап өтті Атырау облысы полиция департаменті бастығы Қамза Үмбетқалиев. 

 
Сондай-ақ, оның осындағы тұрып жатқан мекен жайынан есірткіні өлшейтін таразы және буып-түю және т.б әртүрлі құрылғылар табылып, алынды. Қазіргі уақытта 25 жастағы азамат соттың санкциясымен тергеу изоляторына қамауға алынды. Сотқа дейінгі тергеп-тексеру амалдары жүргізілуде. 
 
Қала тұрғындарынан, синтетикалық есірткі заттарын бетбелгі (закладка) арқылы таратуды көріп, байқаған жағдайда, полицияның сенім телефонына 98-21-36, 98-20-70 нөмірлері бойынша немесе 98-21-55 кезекші бөліміне немесе "102" нөміріне қоңырау шалып, хабарлау сұралады. 
 
Анықтама: Пирролидиновалерофенон – әртүрлі тәсілдермен қолданылатын синтетикалық өте қауіпті психостимулятор.
 
Ақпарат көзі: Polisia.kz 
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны