ЖЭО-2 қысқаша тұйықталу орын алды: Астананың жарықсыз қалуының себебі аталды
Астана әкімдігі кеше кешке болған жарықтың жаппай сөнуіне түсінік берді, деп хабарлайды Kazinform.
Кеше сағат 21.57-де қалалық 10 қосалқы станция істен шықты. Салдарынан қаланың негізінен оң жағалауындағы тұрғын үйлер жарықсыз қалды. Әрі қарай сағат 23.00-әуежай қосалқы станциялар іске қосылды. Сағат 23.10-да Бәйтерек қосалқы станциясы іске қосылды. Түнгі сағат 2.00-ге дейін барлық қосалқы станциялар жұмыс істеп тұрды", - деді Астана қаласы әкімінің бірінші орынбасары Нұрлан Нұркенов Астана қаласы коммуникациялар қызметі алаңында өткен баспасөз мәслихатында.
Оның айтуынша, 2-ші станциясында технологиялық бұзушылық болған жоқ. ЖЭО-2 штаттық режимде жұмысын жалғастырды және жалғастырып жатыр.
Төтенше жағдай жетекші желілерде болды. Апаттың алдын ала себебі - кабельдің үзілуі және шкафтардың бірінің өртенуі. Бұл штаттан тыс жағдай болды, түнгі сағат 2-де барлық абонент электр қуатымен қамтамасыз етілді. 2 сағат бойы қаланың оң жағалауындағы кейбір әлеуметтік нысандарда жарықсыз қалды. Барлық медициналық нысан бойынша дизель-генераторлар іске қосылып, уақытша жарық берілді. Төтенше жағдай кезінде дизель реанимацияны және операциялық блоктарды қамтамасыз етті. Медициналық мекемелердегі қызметке қауіп төнген жоқ", - дейді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Талдықорғанда полицей суға батып бара жатқан баланы құтқарып қалды
Сурет: polisia.kz
Талдықорған қаласында полицей суға батып бара жатқан баланы құтқарып қалды, - деп хабарлайды Polisia.kz.
Патрульдік полицияның рота инспекторы Санат Серікқалиұлы ерлік көрсетіп, Қаратал өзеніне батып бара жатқан баланы аман-есен құтқарып алды.
6 маусымда сағат 15:43 шамасында Санат Серікқалиұлы "Қызыл тас" саяжай қоғамдастығында демалыста жүргенде, көмек сұрап айқайлаған балалардың дауысын естіген. Балалар өзенге қарай нұсқаған, инспектор ойланбастан көмекке ұмтылған.
Өзенге жүгіріп барып, бір баланың суға батып бара жатқанын көрген. Судан құтқарылған 11 жастағы жасөспірім демала алмай, көгеріп жатқан. Осы тұста тәртіп сақшысы жылдам әрі батыл әрекет етті. Ол баланы судан шығарып алып, бірден алғашқы медициналық көмек көрсете бастады. Тікелей жүрек массажы мен жасанды тыныс беру арқылы инспектор баланың дем алысын қалпына келтірді.
Осыдан кейін ол дереу жедел жәрдем шақырған. Бала ауруханаға жеткізілді, онда дәрігерлер полиция қызметкерінің дер кезінде, уақтылы көрсеткен кәсіби әрекеті баланың өмірін сақтап қалғанын растады. Санат Серікқалиұлы өзінің бұл әрекетін таң қаларлықтай батырлық емес екенін, кез-келген адамның жасайтын әрекеті ретінде көретінін айтты.
Мен өз міндетімді атқардым. Адамдарды қорғау мен көмекке келу менің басты парызым",- деді ол.
Бұл оқиға барлығына төтенше жағдайда шешуші болып табылатын алғашқы медициналық көмек пен құтқару дағдыларының маңыздылығын еске салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада жедел жәрдем қызметкеріне пышақпен шабуыл жасаған мас азамат ұсталды
Сурет: gov.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысындағы Шарын каньонының маңында туристер мінген автобус аударылды
2024 жылдың 27 мамырында сағат 10:20-да Алматы облысы, Кеген ауданы, Еңбекшіқазақ ауданымен шекаралас аумақта туристер мінген автобуспен жол апаты орын алды, деп хабарлайды Алматы облысының әкімдігі.
Алдын ала ақпарат бойынша, автобус "Қазавтожол" желісіне жататын күрделі жол бұрылысында жолдан шығып кеткен. Оқиға орнына дереу Кеген ауданынан екі жедел жәрдем бригадасы шықты.
Автобуста 37 адам болған. Кеген аудандық ауруханасына 5 адам, Жалағаш аудандық ауруханасына 4 адам, Шелек ауылына 4 адам жеткізілді.
Орын алған жол апаты бойынша адам шығыны тіркелмеген.
Оқиғаның нақты себебі әлі белгісіз, тергеу жүріп жатыр.
Зардап шеккендердің жағдайы тұрақты, туристер дәрігерлердің бақылауында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақмола облысында темір жолда тұз қышқылы төгілді
Ақмола облысында темір жолда тұз қышқылы төгілді, деп хабарлайды 24KZ.
Оқыс оқиға Аршалы ауданының Сарыоба стансысында болған. Зиянды зат жүк цистерналардың біріндегі жарықтан аққан. Оқиға орнында облыстық және аудандық штаб құрылды. Қауіпті жүгі бар цистерна негізгі құрамнан ажыратылды. Құтқарушылар төгілген тұз қышқылын жойды.
3 адам эвакуацияланды. Ақмола облысы және Астана қаласы Төтенше жағдай департаментінің құтқарушылары зиянды заттың ағуын тоқтатты. Қазіргі уақытта адамдардың өмірі мен денсаулығына қауіп төніп тұрған жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысында жол ережесін өрескел бұзған кортеж қатысушыларын ұсталды
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысының тауларында жас туристер құтқарылды
Сурет: gov.kz
ТЖМ қызметкерлері Украина азаматын құтқарды, деп хабарлайды ҚР ТЖМ баспасөз қызметінен.
Алматы облысында осы түнде жоғалып өздері 112 нөміріне хабарласқан туристерге құтқарушылар көмек көрсету үшін тауға аттанды.
Ауа райына қарамастан, РЖҚЖ құтқарушылары 88 шақырымнан астам жүріп өтіп, Талғар ауданының Бутаков шатқалына келді. Жаяу олар Лесная асуына қарай көтеріле бастап, онда Украина азаматы болып табылатын адасқан ер мен әйел адамды тапты. Жастарға жылы киім мен шай берілді, содан кейін оларға қауіпсіз жерге түсуге көмектесті.
Туристерге медициналық көмек қажет болмады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атырау облысының Махамбет ауданында бөгет бұзылды: тұрғындар эвакуациялануда
Махамбет ауданындағы Жалғансай ауылында халықты толық эвакуациялау басталды, сирена қосылды, деп хабарлайды Атырау облысының ТЖ жөніндегі жедел штабынан.
Махамбет ауданы, Жалғансай ауылында түн ортасына жақын тұрғызылған бөгет бұзылды.
Қазіргі уақытта ауылдық медициналық пункттің су басу қаупі бар.
Сағат 01.20-да ескерту сирена қосылды. Ауыл тұрғындарын мектеп ғимаратына, сондай-ақ аудан орталығына эвакуациялау басталды.
Жағдайды тұрақтандыру үшін аудан орталығынан қосымша күштер тартылды. Қазіргі уақытта қауіпті жою үшін 15 бірлік техника мен ҚМ жеке құрамының 50 сарбазы жұмылдырылды. Төтенше жағдай орнында облыс әкімі барды.
Айта кетейік, Жалғансай ауылы Махамбет ауылының аудан орталығынан 15 шақырым қашықтықта орналасқан. Жалғансай ауылының халқы-1286 адам. Үйлердің саны - 237.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.