АЛМАТЫ. 29-тамыз. Kazakhstan Today. Ақ үйдегілер Қазақстан президенті Нұрсұлтан Назарбаевтың қыркүйек айының аяғына межеленген Вашингтонға сапарына дайындалуда, деп хабарлайды Kazakhstan Today тілшісі Ресейдің "Новости" ақпараттық агенттігінің ақпарат көзі - "Вашингтион пост" газетіне сілтеме жасап.
Басылым ақпаратына сәйкес, АҚШ-қа сапары кезінде Н.Назарбаев Ақ үйдегі келіссөздермен бірге құрметті меймен ретінде Буштар отбасының Атлант мұхитының жағалауындағы Кеннебанкпорттағы (Мэн штаты) атақонысында қонақта болмақ.
Қазақстан мемлекет басшысының Кеннебанкпортқа баратынын АҚШ-тың бұрынғы президенті - қазіргі Ақ үй басшысының әкесі үлкен Джордж Буштың баспасөз хатшысы Томас Фречетте де газетке растады.
Н.Назарбаевтың Вашингтон сапары мен Кеннебанкпортқа баратыны туралы ақпарат әлі ресми түрде жарияланбауға байланысты Ақ үй әзірге қандайбір мәлімет беруден бас тартуда. Алайда, "Вашингтион пост" газетінің хабарлауынша, өткен аптада АҚШ мемлекеттік хатшысының көмекшісі Эван Фейгенбаум Қазақстанда болды, ол Қазақстан президентінің Вашингтонға сапарына дайындық мәселелерімен айналысады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ақ үйдегілер Қазақстан президентінің Вашингтонға сапарына дайындалуда
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.