Ақордада ұлттық қауіпсіздік стратегиясына қатысты мәселелер талқыланды
Ақордада ұлттық қауіпсіздік стратегиясына қатысты мәселелер талқыланды
Алматы. 2 маусым. Kazakhstan Today - Ақордада сейсенбі күні Қазақстан президентінің көмекшісі - Қауіпсіздік кеңесінің хатшысы Марат Тәжиннің төрағалық етуімен ұлттық қауіпсіздік стратегиясына қатысты мәселелер бойынша мекемеаралық комиссияның отырысы өтті, деп хабарлайды Kazakhstan Today ресми БАҚ-тарға сілтеме жасап.
Рейдерлікке қарсы тұру мәселесі бойынша ҚР бас прокуроры Қарат Мәми мен Жоғарғы сот төрағасы Мұсабек Илімбеков баяндама жасады.
Отырысқа қатысушылар рейдерлікке қарсы тұру мәселесі бойынша арнайы заң жасау орындылығы туралы және оған қарсы тұруға бағытталған тәжірибелік шаралар жайлы пікір алмасты.
ҚР қоршаған ортаны қорғау министрі Нұрғали Ишімов ағымдағы экологиялық қауіпсіздік мәселесі жайлы ақпар берді. Қауіпсіздік кеңесінің хатшысы табиғат қорғау саласындағы барлық проблематикаға қатысты экологиялық-экономикалық көзқарастарды дәйектеу қажеттігін атап өтті.
Талқылау қорытындысы бойынша тиісті мемлекеттік органдарға рейдерлікке қарсы тұру және қоршаған ортаны қорғау қызметін жетілдіре түсуге бағытталған ықпалды құқықтық тетік жасау жөнінде тапсырма берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.