Астана қаласында Сауд Арабиясы Корольдігі елшілігінің нысандарын салу үшін жер учаскесін беру туралы келісімге қол қою рәсімі 4 ақпанда болады
Астана. 2 ақпан. "Қазақстан Бүгін"- Қазақстан Республикасының үкіметі мен Сауд Арабиясы Корольдігінің үкіметі арасындағы Астана қаласында Сауд Арабиясы Корольдігі елшілігінің нысандарын салу үшін жер учаскесін беру туралы келісімге қол қою рәсімі 4 ақпанда болады. Аталмыш құжатқа ҚР Сыртқы істер министрінің орынбасары Н.Ермекбаев пен Қазақстандағы Сауд Арабиясының елшісі Хишам Зараа қол қояды. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Сауд Арабиясы 1991 жылғы 30 желтоқсанда араб және мұсылман мемлекеттерінің ішінде Қазақстанның тәуелсіздігін таныған алғашқы мемлекеттердің бірі болып табылады.
1996 жылғы мамыр айында Эр-Рияд қаласында Қазақстанның елшілігі ашылды, ал Сауд Арабиясының елшілігі біздің елімізде 1997 жылғы наурыз айынан бастап жұмыс істейді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті