Астанада Қазақстан президентінің Ядролық қауіпсіздік жөніндегі ғаламдық саммитке қатысуына дайындық мәселелері қаралды
Астанада Қазақстан президентінің Ядролық қауіпсіздік жөніндегі ғаламдық саммитке қатысуына дайындық мәселелері қаралды
Астана. 8 қазан. Kazakhstan Today - Астанада 7 қазанда ҚР сыртқы істер министрі әрі мемлекеттік хатшысы Қанат Саудабаев пен АҚШ Энергетика министрінің бірінші орынбасары Даниель Понеман Қазақстан президентінің Ядролық қауіпсіздік жөніндегі ғаламдық саммитке қатысуына дайындық мәселелерін талқылады, деп хабарлайды Kazakhstan Today ҚР СІМ баспасөз қызметінің хабарламасына сілтеме жасап.
Баспасөз қызметінің ақпаратына сәйкес, Қ. Саудабаев Қазақстанда жұмыс сапарымен жүрген АҚШ Энергетика министрінің бірінші орынбасары Даниель Понеманды қабылдады. "Тараптар Қазақстан мен АҚШ арасындағы стратегиялық серіктесітк деңгейін растады, ол кең көлемді әрі жоғары дәрежелі ықпалдастықпен, бекем келісім-құқықтық базасымен сипатталатынын атап өтті", - делінген хабарламада.
Кездесу барысында сұхбаттасушылар Қазақстан президенті Нұрсұлтан Назарбаевтың келесі жылдың көктемінде АҚШ астанасында өтетін Ядролық қауіпсіздік жөніндегі ғаламдық саммитке Ақ үйдің шақыруымен қатысуына дайындық мәселелерін қарады.
Қ. Саудабаев сондай-ақ, американдық қонаққа мемлекет басшысының 29 тамызды Халықаралық ядролық қарудан азат бейбітшілік күні деп белгілеу жөніндегі бастамасымен таныстырды.
Энергетика саласындағы ынтымақтастық мәселесіне тоқталған тараптар оның оң қарқынын қанағаттанарлық пейілмен атап өтіп, осы саладағы ықпалдастықты тереңдетудің, соның ішінде баламалы қуат көздерін дамытудың үлкен әлеуеті бар екенін айтты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.