АСТАНА. 9-қазан. Kazakhstan Today. Астанада Қазақстан Республикасында демократиялық реформалар бағдарламасын әзірлеу және нақтылау жөніндегі мемлекеттік комиссияның Ү отырысы басталды, деп хабарлайды Kazakhstan Today тілшісі.
Отырыс бағдарламасында демократиялық процестердегі саяси партиялардың іс-қызметінің ролі мен тиімділігін арттыру, өкілетті билік органдарының құзыреті аясын кеңейту, қолданыстағы Конституцияның әлеуетін пайдалану және Қазақстанның конституциялық даму перспективалары туралы талқыланады. Күн тәртібіндегі бірінші мәселе бойынша азаматтық қоғамды дамыту жөніндегі жұмыс тобының жетекшісі, мәжіліс депутаты, "Отан" партиясы төрағасының орынбасары Дариға Назарбаева баяндама жасайды.
Екінші мәселе бойынша комиссия биліктің өкілетті органдарының құзыреті аясын кеңейту жөніндегі жұмыс тобының жетекшісі, "Ауыл" партиясының төрағасы Ғани Қалиевті тыңдайды. Үшінші мәселе бойынша "Ақжол" партиясының төрағасы Илихан Бәйменов сөз сөйлейді.
Сондай-ақ, мемлекеттік хатшы Оралбай Ибдікәрімов Қазақстан Республикасында демократиялық реформалар бағдарламасын әзірлеу және нақтылау жөніндегі мемлекеттік комиссия өкілдерінің Венаға сапарының қорытындысы жөніндегі ақпаратпен таныстырады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астанада Қазақстан Республикасында демократиялық реформалар бағдарламасын әзірлеу және нақтылау жөніндегі мемлекеттік комиссияның Ү отырысы басталды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.