МИСКЕУ. 30 қараша. Kazakhstan Today. Ресейдің Астрахань қаласында ұлы қазақ сазгері әрі күйші Құрманғазы Сағырбаевқа ескерткіш орнатылады. Бұл жөніндегі келісімге Қазақстанның Ресейдегі елшісі Жансейіт Түймебаевтың Астрахань облысы үкіметінің мүшелерімен кездесуінде қол жетті, деп хабарлайды елшіліктің баспасөз қызметі.
Кеше қазақстандық дипломат болашақ монументтің орнатылатын орнын көріп қайтты.
Сонымен қатар, тараптар Астрахандағы Қазақстанның жаңа елшілігі ғимараты құрылысына жер учаскесін бөлу туралы келісті. "Аталған елшілік Ресейдің Астарахань, Волгоград, Оренбург, Саратов, Самара облыстарында тұратын Қазақстан Республикасының азаматтарына қызмет көрсетеді", деп атап өтті баспасөз қызметінің өкілдері.
Сондай ақ, Ж. Түймебаев Қазақстан -Ресей шекарасында салынып жатқан, Қиғаш өзенінен өтетін көпірдің құрылысымен танысты. "Атырау және Астрахань облыстарын тікелей байланыстыратын көпірді салу туралы шешім теңдей қаржыландыру негізінде үкіметаралық келісім бойынша қабылданған болатын",-дейді баспасөз қызметіндеглер.
Жоспар бойынша көпір 2007 жылы қазан айында пайдалануға беріледі. Сарапшылардың бағалауынша, көпірдің іске қосылуы Қазақстан мен Астрахань облысы арасындағы тауар айналымын 3-4 есеге ұлғайтуға мүмкіндік береді.
Елшіліктің ақпаратына сәйкес, 2006 жылдың он айында Астрахань облысы мен Қазақстан арасындағы тауар айналымы $92млн.құрады (2005 жылы -$64,5 млн.) және жыл соңында $120 млн. жетуі ықтимал.
Сонымен қатар кездесу барысында Астраханьда қазақстандық компаниялардың жеке инвестицияларына жаңа ықшам аудан тұрғызу туралы келісімге қол жетті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Астрахань қаласында Құрманғазыға ескерткіш орнатылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.