Беларусь Республикасының премьер-министрі 12-13 қыркүйекте жұмыс сапарымен Қазақстанға келеді
Беларусь Республикасының премьер-министрі 12-13 қыркүйекте жұмыс сапарымен Қазақстанға келеді.
"ҚАЗАҚСТАН БҮГІН". 10-қыркүйек. АСТАНА. Беларусь Республикасының премьер-министрі Сергей Сидорский 12-13 қыркүйекте жұмыс сапарымен Қазақстанға келеді, деп хабарлайды "ҚАЗАҚСТАН БҮГІН" агенттігінің тілшісі.
Сергей Сидорский сапар аясында Астана мен Павлодар облысында болады.
Бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаевтың құлағдар еткеніндей, Беларусь премьер-министрінің сапары Қазақстан Республикасы мен Беларусь Республикасының дипломатиялық қарым-қатынастарының орнауына 15 жыл толуына және Астанада "Беларусь ЭКСПО-2007" Ұлттық сауда көрмесінің өткізілуіне орайластырылған.
"Сапар барысында Беларусь үкіметінің ресми келіссөздермен қатар Беларусь Ұлттық сауда көрмесінің, сондай-ақ Астана мен Павлодар қалаларында орналасқан өнеркәсіп және құрылыс нысандарының ашылуына, Астанада өтетін іскер топ өкілдерінің форумына қатысуы жоспарланған",- деді Е.Ашықбаев.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.