Бішкекте жарық беру шектелді
Бішкекте жарық беру шектелді
Бішкек. 18-қаңтар. "Қазақстан Бүгін" - Қырғызстанның астанасы Бішкекте жарық беру шектелді, деп хабарлайды "Қазақстан Бүгін" агенттігінің тілшісі "Северэлектро" ААҚ баспасөз қызметіне сілтеме жасай отырып.
Баспасөз қызметінің мәліметтеріне сүйенсек, жұмсалған электр қуатының нормадан асып кетуінен мұндай қадамға баруға тура келген. "Қала бойынша 17-қаңтарда электр қуатының тәуліктік тұтыну көлемі 11,9 млн кВт/сағ құраған, ал лимит 9,330 млн құрайды. Осыған байланысты, сонымен қатар "Карагачевая", "Аламедин" және "Селекционная" қосалқы станциялардағы жөндеу жұмыстарына байланысты "Дордой" базары, Нижняя Ала-Арча аулы, "Аламедин-1" ықшамауданының, "Ак-Орго" және "Ала-Тоо аудандарының абоненттеріне электр қуатын беруде шектеу енгізілді",- деп хабарлайды баспасөз қызметінен.
ААҚ қызметкерлерінің хабарлауынша, "қосымша электр жылыту құрылғыларын пайдалану жағдайды қиындата түсуде. Олардың көбісі қолдан жасалған құрылғылар". "Оларды пайдалану барысында электр қуаты бес есеге дейін артық жұмсалады, ал жылытатын алаң көлемі екі есеге аз",- деп түсіндіріп өтті "Северэлектор" мекемесіндегілер.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.