Брюссельде «Қазақстан - ЕО» ынтымақтастық Комитетінің 8-ші отырысы өтеді
Брюссельде «Қазақстан - ЕО» ынтымақтастық Комитетінің 8-ші отырысы өтеді
Астана. 10-желтоқсан. "Қазақстан Бүгін" - Брюссельде 18-желтоқсанда «Қазақстан Республикасы - Еуропалық одақ» ынтымақтастық Комитетінің 8-ші отырысы өтеді, деп хабарлайды "Қазақстан Бүгін" агенттігінің тілшісі Қазақстан Республикасының Сыртқы істер министрлігінің баспасөз қызметіне сілтеме жасай отырып.
«Отырыс жұмысына комитеттің тең төрағасы, сыртқы істер министрінің орынбасары Қайрат Сарыбаевтің басшылығымен баратын Қазақстанның ресми өкілдері қатысады»,- деп нақтылады сыртқы саясат мекемесінің баспасөз қызметіндегілер.
Баспасөз қызметінің мәліметтеріне сүйенсек, кездесу аясында Қазақстан Республикасы мен Еуропалық одақ арасындағы өзара ықпалдастық мәселелерін, соның ішінде екіжақты сауда және инвестициялық іс-қызмет проблемалары, Қазақстан Республикасының Дүниежүзілік сауда ұйыманың құрамына кіруі, энергетика және көлік салаларындағы ынтымақтастық мәселелері, сонымен қатар Еуропалық одақтың үстіміздегі жылдың маусымында өткен самитте қабылдаған Еуроодақ пен Орта Азия арасындағы «Жаңа серіктестік стратегиясын» жүзеге асырудың болашағын талқылау жоспарланған.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.