БҰҰ Бас хатшысының Өркениеттер Альянсы жөніндегі жоғарғы өкілі ұйымның құндылықтарын ілгерілетудегі Қазақстанның маңызды рөлін атап өтті
БҰҰ Бас хатшысының Өркениеттер Альянсы жөніндегі жоғарғы өкілі ұйымның құндылықтарын ілгерілетудегі Қазақстанның маңызды рөлін атап өтті
Астана. 6 сәуір. "Қазақстан Бүгін" - БҰҰ Бас хатшысының Өркениеттер Альянсы жөніндегі жоғарғы өкілі Жорж Сампайо ұйымның құндылықтарын ілгерілетудегі Қазақстанның маңызды рөлін атап өтті, деп хабарлайды "Қазақстан Бүгін" агенттігінің тілшісі сенаттың баспасөз қызметіне сілтеме жасап.
Баспасөз қызметінің ақпаратына сәйкес, Стамбулда ашылған Өркениеттер Альянсының екінші жиынына қатысып жатқан парламент сенатының төрағасы - Илемдік және дәстүрлі діндер лидерлері съезі хатшылығының басшысы Қасым-Жомарт Тоқаев кеше БҰҰ бас хатшысының Өркениеттер Альянсы жөніндегі жоғарғы өкілі Жорж Сампайомен кездесті.
Кездесу барысында қазіргі әлемдегі конфессияаралық және мәдениетаралық үнқатысуды дамыту мәселелері бойынша жан-жақты пікір алмасылды.
Біздің еліміздің өркениетаралық және дінаралық үнқатысу ісін ілгерілетудегі біздің еліміздің бастамаларына тоқтала келіп Қ.Тоқаев "Қазақстан әлемдегі қауіпсіздік пен тұрақтылықты нығайтуға бағытталған қадамдарды іс жүзінде жүзеге асырып отыр", деп атап өтті.
Төраға жүздесушіге үстіміздегі жылдың шілдесінде Астанада өтетін Илемдік және дәстүрі діндер лидерлерінің съезіне шақыру хатын табыс етті.
БҰҰ Бас хатшысының Өркениеттер Альянсы жөніндегі жоғарғы өкілі Қазақстан президенті Нұрсұлтан Назарбаевтың халықаралық, реформаторлық және бітімгершілік қызметіне жоғары баға берді.
Ж.Сампайо Орталық Азия аймағындағы Біріккен Ұлттар Ұйымының құндылықтарын ілгерілетудегі Қазақстанның маңызды рөлін атап өтіп, біздің еліміздің екінші жиын жұмысындағы "Достар тобының" мүшесі ретіндегі маңызына тоқталды.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.