Чехия Республикасы парламенті сенатының төрағасы Пржемысл Саботка 9-11 қыркүйекте елімізге ресми сапармен келеді
Чехия Республикасы парламенті сенатының төрағасы Пржемысл Саботка 9-11 қыркүйекте елімізге ресми сапармен келеді
Астана. 8 қыркүйек. "Қазақстан Бүгін" - Чехия Республикасы парламенті сенатының төрағасы Пржемысл Саботка 9-11 қыркүйекте елімізге ресми сапармен келеді, деп хабарлайды агенттік тілшісі сенаттың баспасөз қызметіне сілтеме жасап.
Сенат төрағасымен бірге депутаттар тобы мен іскер орталар өкілдері болады.
Сапар барысында Чехия парламенті сенатының басшысы біздің еліміздің жоғарғы заң шығару органы палаталарының басшыларымен, Қазақстан Республикасының премьер-министрімен, сыртқы істер министрімен кездеседі.
П.Саботка Қазақстан-Чехия бизнес-жиынының ашылуына және сауда-экономика, өнеркәсіп және ғылыми-техникалық ынтымақтастық жөніндегі Қазақстан-Чехия үкіметаралық комиссиясының екінші отырысындағы хаттамаға қол қою салтанатына қатысады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.