ЕҚЫҰ СІМК шешімін қазақстандық дипломатияның жеңісі деп білу қажет- ЕҚЫҰ- мен ынтымақтастық жөніндегі ҚР арнайы өкілі
БРЮССЕЛЬ. 6 желтоқсан. Kazakhstan Today. "Қазақстанның Еуропадағы қауіпсіздік және ынтымақтастық ұйымына төрағалық ету мәселесін 2007 жылы Мадридте өтетін ЕҚЫҰ Сыртқы істер министрлері кеңесінің (СІМК) 15-ші мәжілісінде талқылау жөніндегі шешімді қазақстандық дипломатияның жеңісі ретінде қабылдау қажет", деді Қазақстанның бірінші сыртқы істер вице-министрі , ЕҚЫҰ- мен ынтымақтастық жөніндегі ҚР анайы өкілі Рахат Илиев.
"Мұндай шешім қабылдауға Елбасы Нұрсұлтан Назарбаевтың Вашингтонға, Лондонға және Брюсселге сапары ықпал етуі мүмкін, сонымен қатар, Қазақстан сыртқы істер министрлігінің де белсенді атсалысуы оң әсер еткен. Осындай шешімнің нәтижесінде біз 2009 жылы ЕҚЫҰ төрағалық ету мүмкіндігін сақтап қаламыз",-деп атап өтті Р.Илиев.
Осыған дейін хабарланғандай, Қазақстанның төрағалық ету туралы өтініші келесі жылы қаралатын боп шешілген. Қазіргі ЕҚЫҰ төрағасы, Бельгия сыртқы істер министрі Карл де Гюхт қорытынды мәлімдемесінде атап өткеніндей, "министрлер Қазақстанның 2009 жылы ЕҚЫҰ төрағалық ету туралы өтінішін 2007 жылы Мадридте Испанияның төрағалығымен өтетін ЕҚЫҰ СІМК-нің 15-ші сессиясында қарауға келісімдерін берді".
ЕҚЫҰ СІМК шешіміне түсінік берген бірінші сыртқы істер вице министрі : "Қазақстан осылайша, Елбасының басқаруындағы демократияландыру мәселелері жөніндегі мемлекеттік комиссияның жұмыстары аясындағы реформаларды сәтті аяқтауға тағы бір жыл уақыт алды",деді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.