ЕҚЫҰ-ын сақтау және рөлін арттыру үшін ұйымды реформалау қажет - Леннмаркер
ЕҚЫҰ-ын сақтау және рөлін арттыру үшін ұйымды реформалау қажет - Леннмаркер
Астана. 30 маусым. "Қазақстан Бүгін" - Еуропадағы қауіпсіздік және ынтымақтастық ұйымын сақтау және рөлін арттыру үшін ұйымды реформалау қажет. Бұл туралы ЕҚЫҰ Парламенттік ассамблеясының 17-сессиясының пленарлық отырысының ашылуында оның төрағасы Йоран Леннмаркер мәлімдеді, деп хабарлайды "Қазақстан Бүгін" агенттігінің тілшісі.
"ЕҚЫҰ-ын сақтау және рөлін арттыру үшін шешім қабылдау механизмдерін реформалау және жақсарту қажет", - деді Парламенттік ассамблеяның төрғасы. Ол ЕҚЫҰ аясындағы ашықтықты асыра бағалауға болмайтынын жеткізді. "Бұл ЕҚЫҰ үшін маңызды, демократия үшін маңызды", - деп атап көрсетті Й. Леннмаркер.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.