Елбасы ЕурАзЭҚ-тың бейресми саммитіне қатысу үшін Сочиге ұшып кетті
АСТАНА. 15-тамыз. Kazakhstan Today. Елбасы Нұрсұлтан Назарбаев ЕурАзЭҚ-тың бейресми саммитіне қатысу үшін Сочиге ұшып кетті. Бұл туралы Kazakhstan Today тілшісіне ҚР СІМ хабарлады.
Мемлекет басшылары деңгейіндегі ЕурАЗЭҚ бейресми саммиті Сочиде бүгін басталды.
Келіссөздер барысында Қоғамдастыққа қатысушы елдердің басшылары кедендік одақты қалыптастыру мәселесін талқыламақ. Саммит бағдарламасына сәйкес Ресей президенті Владимир Путин, ЕурАзЭҚ бас хатшысы Григорий Рапота, Ұжымдық қауіпсіздік шарты ұйымының бас хатшысы Николай Бордюжа баяндама жасайды.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.