АСТАНА. 21-қыркүйек. Kazakhstan Today. Елбасы Нұрсұлтан Назарбаев Минск қаласында таяуда өтетін ТМД мемлекет басшылары кеңесінің отырысында көші-қон, көлік және коммуникациялар мәселесін талқылауға ұсынбақшы. Бұл туралы мемлекет басшысы ТМД елдерінің салықтық (қаржылық) тексеру органдары басшыларының кезекті сегізінші үйлестіру кеңесіне қатысушылармен болған бүгінгі кездесуінде мәлім етті, деп хабарлайды Kazakhstan Today тілшісі.
"Қазан айында өтетін ТМД саммитінің отырысы күн тәртібіне мен көші-қон, көлік және коммуниациялар мәселесін енгізбекшімін",- деді Н.Назарбаев.
"Біз осынау ғаламдық проблеманы шешіп, ортақы экономикалық кеңістікке қарай жылжи түсуге тиіспіз. ТМД-ның қазіргі төрағасы ретінде мен Достастықтың жұмыс тиімділігін арттыруға барынша талпынатын боламын",- деді ол.
Бұдан бұрын да хабарлағанымыздай, 17-қазанда Минск қаласында ТМД-ның 15-ші мерейтойлық саммиті өтеді. Саммитте жоғары деңгейде қабылданған шешімдерді орындау, барлық ТМД елдері үшін уағдаластықтарды жүзеге асыру мерзімін біріздендіру қажеттігі жөніндегі мәселелер талқыланбақшы. Достастықтың іс-қызметін жетілдіруге қатысты ұсыныстар дайындау мақсатында ТМД аясында әдейі құрылған "ақылмандар алқасы" мемлекет басшыларына ұйымды реформалау тетіктері туралы баяндамаларын таныстырады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Елбасы Минск қаласында өтетін ТМД мемлекет басшылары кеңесінің отырысында көші-қон, көлік және коммуникациялар мәселесін талқылауға ұсынбақшы
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.