АСТАНА. 20-шілде. Kazakhstan Today. Еліміз бойынша мәслихат депутатының мандатына үш үміткерден бәсекеге түсуде. Бұл туралы Орталық сайлау комиссиясының отырысынан кейін өткен брифингте комиссия төрағасы Қуандық Тұрғанқұлов құлағдар етті, деп хабарлайды Kazakhstan Today тілшісі.
"Ел бойынша орташа бәсекелестік - бір депутаттық мандат үшін 3 кандидаттан таласпақшы.",- деді комиссия төрағасы.
"Бір мандатқа неғұрлым көп баламалылық Астана қаласы бойынша орташа шамамен 5,2 және Алматы қаласы бойынша 4,5 үміткерден болды.
Бір депутаттық мандатқа аса жоғары бәсекелестік Алматы қаласының 14-округі бойынша болады. Ол жерде 12 кандидатура ұсынылды. Сондай-ақ Алматы қалалық мәслихат депутаттарын сайлау жөніндегі 35 және 31-округтерде бәсекелестік қарқыны жоғары деңгейде тұр. Оларда 7 кандидатурадан ұсынылған.
Осындай жағдай Астанада да қалыптасты. Қалалық мәслихат депутатының мандатына 8 және 23-окургтерде 9 үміткерден, ал 9-округте - 8 үміткер ұсынылды",- деді Қ.Тұрғанқұлов.
Сондай-ақ, комиссия төрағасның хабарлауынша, 2007 жылғы 20 шілдедегі жағдай бойынша 5565 кандидат тіркелген. Олардың ішінен облыстық, Астана және Алматы қалалық депутаттығына 882 кандидат; аудандық мәслихаттар депутаттығына 3772 кандидат; қалалық мәслихаттар депутаттығына 911 кандидат тіркелді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еліміз бойынша мәслихат депутатының мандатына үш үміткерден бәсекеге түсуде
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.