ЕурАзЭҚ-қа мүше елдердің үкімет басшылары біртұтас сауда режимін орнату жөніндегі келісімдердің жобасын қарауға кірісті
ЕурАзЭҚ-қа мүше елдердің үкімет басшылары біртұтас сауда режимін орнату жөніндегі келісімдердің жобасын қарауға кірісті
Мәскеу. 25 қаңтар. "Қазақстан Бүгін" - Мәскеуде бүгін өтетін Еуразиялық Экономикалық Қоғамдастықтың Мемлекетаралық кеңесінің отырысында үкімет басшылары біртұтас сауда режимін орнатуға бағытталған тоғыз халықаралық келісімнің жобасын талқылауда, деп хабарлайды агенттік тілшісі.
ЕурАзЭҚ бас хатшысы Тайыр Мансұровтың хабарлағанындай, Беларусь, Қазақстан және Ресейдің Кедендік одағын құру жөніндегі іс-шаралардың жоспарына 29 мәселе енген, соның ішінде біртұтас сауда режимін орнатуға бағытталған 9 жоба бүгін қаралады.
Т. Мансұровтың хабарлауынша, күн тәртібіне бұған қосамша біртұтас транспорттық кеңістік құру жөніндегі тұжырымдаманың жобасы қамтылды.
ЕурАзЭҚ Мемлекетаралық кеңесі отырысының күн тәртібінен төрт мәселе алынды. Атап айтсақ, Орталық Азия аймағындағы су-энергетикалық ресурстарды тиімді пайдалану тұжырымдамасының жобасын, ЕурАзЭҚ елдерінің валюталық саясатының принциптері туралы келісімнің жобасын, инвестицияларды өзара қорғау және ынталандыру туралы келісімнің жобасы мен Тауарлардың ЕурАзЭҚ кедендік шекаралары арқылы қозғалысы кезінде кедендік карталарды пайдалану туралы хаттаманың жобасы қаралмайды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.