Италия Қазақстанның ЕҚЫҰ төрағалық етуін қолдайды
Италия Қазақстанның ЕҚЫҰ төрағалық етуін қолдайды
Астана. 8-қазан. "Қазақстан Бүгін" - Италия Қавзақстанның ЕҚЫҰ-на 2009 жылы төрағалық етуін қолдайды. Бұл туралы "Қазақстан-Италия" Экономикалық форум барысында Италияның премьер-министрі Романо Проди мәлім етті, деп хабарлайды "Қазақстан Бүгін" агенттігінің тілшісі.
"Біз Қазақстанның түрлі халықаралық ұйымдарға, атап айтқанда Дүниежүзілік сауда ұйымына кіруін, сонымен қатар, 2009 жылы ЕҚЫҰ төрағалық етуге ұмтылуын қолдаймыз. Біз бұл туралы премьер-министр Кәрім Мәсімовпен кездесу барысында да айтқан болатынбыз",- деді Р. Проди.
"Қазақстан - бұл Орталық Азиының қақпасы, сіздердің ел Ресеймен мықты, достық қатынаста, АҚШ, дамып келе жатқан Қытаймен оңды қатынас орнатқан. Менің пайымдауымша, осы тұрғыда біздің ортақ мүддеміз бар, Италия Қазақстанды басқа елдермен, соның ішінде Орталық Азия елдерімен байланыс орнату үшін серіктес ретінде қолданатын болады",- деп қосты Италияның премьер-министрі.
"Мен Брюссельде болған кезімде Еуроодақтың Орталық Азия аймақтарымен ынтымақтасу стратегиясын әзірлеу үшін көп жұмыстар атқардым, және де біз осы бағытта жұмыс істеуді жалғастыруға дайынбыз",- деп қорытындылады Р. Проди.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.