Кәрім Мәсімов Солтүстік Атлантикалық альянстың Парламенттік Ассамблеясының басшылығымен кездесті
Кәрім Мәсімов Солтүстік Атлантикалық альянстың Парламенттік Ассамблеясының басшылығымен кездесті
Астана. 11 маусым. "Қазақстан Бүгін" - Қазақстан Республикасының премьер-министрі Кәрім Мәсімов бүгін Солтүстік Атлантикалық альянстың Парламенттік Ассамблеясының бас хатшысы Дэвид Хоббспен және Солтүстік Атлантикалық альянстың Парламенттік Ассамблеясының президенті Жозе Лелломен кездесті, деп хабарлайды агенттік тілшісі үкіметтің абспасөз қызметіне сілтеме жасап.
Баспасөз қызметінің ақпаратына сәйкес, тараптар Қазақстан мен Солтүстік Атлантикалық альянс арасындағы ынтымақтастық мәселесін талқылады.
Дэвид Хоббс Қазақстанмен өзара іс-қимыл тәжірибесі Орта Азия өңіріндегі өзге елдермен ынтымақтастықты дамыту үшін үлгі болып табылатынын айтты.
Солтүстік Атлантикалық альянс өкілдері Астана қаласына жасаған ресми сапарлары барысында Қазақстан Республикасының парламенті мен Солтүстік Атлантикалық альянстың Парламенттік Ассамблеясының арасында қол жеткізген белсенді диалог өзара іс-қимылдың іс жүзінде жемісті жалғасатынына ықпал ететінін атап өтті.
"Біз ынтымақтастықты дамыту және өзара тиімді келісімдерді жандандыру қажеттігі туралы ортақ пікірге тоқтадық", - деді Д. Хоббс.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.