Қазақстан ауған халқына қайырымдылық көмек ретінде 3 мың тоннадан астам бидай, ал биыл наурыз айында 6 мың тонна күріш жеткізді
Қазақстан ауған халқына қайырымдылық көмек ретінде 3 мың тоннадан астам бидай, ал биыл наурыз айында 6 мың тонна күріш жеткізді
Астана. 18 мамыр. Kazakhstan Today - Қазақстан ауған халқына қайырымдылық көмек ретінде 3 мың тоннадан астам бидай, ал биыл наурыз айында 6 мың тонна күріш жеткізді, деп хабарлайды Kazakhstan Today ҚР СІМ баспасөз қызметіне сілтеме жасап.
Баспасөз қызметінің ақпаратына сәйкес, Еуропадағы Қауіпсіздік және Ынтымақтастық Ұйымының Іс басындағы төрағасы, Қазақстанның мемлекеттік хатшысы - сыртқы істер министрі Қанат Саудабаев 17 мамырда Ауғанстан Ислам Республикасына ресми сапармен барды.
Сапар барысында Ауғанстанның президенті Хамид Карзаймен, сыртқы істер министрі Залмай Расулмен, Біріккен Ұлттар Ұйымы Бас хатшысының сол елдегі арнайы өкілі Стефан Де Мистурамен, Еуропа одағының арнайы өкілі Вигаудас Ушацкаспен кездесулер өтті.
Баспасөз қызметінің ақпаратына сәйкес, отандық дипломатия жетекшісінің былтыр қараша айындағы Ауғанстанға ресми сапары барысында білім беру саласында екіжақты ынтымақтастық туралы келісімге қол қойылғаны мәлім. Нұрсұлтан Назарбаев пен Хамид Карзайдың бастауымен әзірленген құжатқа сәйкес 2010-2015 жылдар аралғында 1000-нан астам ауған жастары Қазақстанның орта кәсіптік және жоғары оқу орындарында бейбіт мамандықтары бойынша дәріс алады.
"Ресми Астана ауған тарапына 4 миллионнан АҚШ долларынан астам сомаға қайырымдылық жәрдем көрсетті және бұл қаржы жолдар, мектеп және ауруханаларды жөндеуге жұмсалған болатын. Соңғы кезде Қазақстан сондай-ақ ауған халқына қайырымдылық көмек ретінде 3 мың тоннадан астам бидай, ал биыл наурыз айында 6 мың тонна күріш жеткізді",- делінген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.