Қазақстан "Джексон-Вэник түзетуінің" күшін жою туралы заң жобасы АҚШ әкімшілігі тарапынан қолдау табарына үміт білдіріп отыр
Қазақстан "Джексон-Вэник түзетуінің" күшін жою туралы заң жобасы АҚШ әкімшілігі тарапынан қолдау табарына үміт білдіріп отыр
Астана. 4-ақпан. "Қазақстан Бүгін" - Қазақстан Республикасының Сыртқы істер министрлігі АҚШ әкімшілігі тарапынан "Джексон-Вэник түзетуінің" күшін жою туралы заң жобасы қолдау табарына үміт білдіріп отыр. Бұл туралы бүгін өткен брифингте Сыртқы істер министрлігінің ресми өкілі Ержан Ашықбаев мәлім етті, деп хабарлайды "Қазақстан Бүгін" агенттігінің тілшісі.
"Қазақстан Республикасының Сыртқы істер министрлігі америкалық танымал саясаткердің бастамасын қолдайды және ол АҚШ конгрессі мен әкімшілігінде қолдау табатынынан үмітті", - деді Е. Ашықбаев. "Осылайша, "қырғи-қабақ соғыстың" соңғы қалдығы тарих қойнауына сүңгиді", - деп атап көрсетті ол.
Ержан Ашықбаев 29-қаңтар күні АҚШ сенатының ең беделді мүшелерінің бірі Ричард Лугар АҚШ-ның шетел мемлекеттерімен сауда қатынастарына шектеу қоятын АҚШ-ның "Сауда туралы" заңына "Джексон-Вэник түзетуінің" Қазақстанға қатысты күшін жою туралы заң жобасын енгізгендігін еске салып өтті.
Бұл түзету 1974 жылы енгізілген және АҚШ-ның эмиграция еркіндігіне шектеу қойылған елдермен қалыпты сауда қатынастарын орнатуға тыйым салады. Бұл түзету Кеңес Одағы ыдырағаннан кейін де өз күшін сақтап қалды. Сонымен бірге, Е. Ашықбаев атап көрсеткендей, "азаматтардың еркін жүріп-тұруын қамтамасыз ету бойынша конституциялық нормалар мен халықаралық міндеттемелерді біздің еліміз сөзсіз орындап отыруы себепті Ақ үй жыл сайын Қазақстанға қатысты өзінің түзету күшін уақытша тоқтатып отыру құқын пайдаланып отырды".
Үстіміздегі жылдың басында сенатор Р. Лугар Нанн-Лугар бағдарламасы деген атпен кеңірек танымал болған "Қауіпті бірлесіп қысқарту" бағдарламасының іске асу барысымен танысу мақсатымен Қазақстанда болған еді.
"Бұл жаппай қырып жоятын қару-жарақты жоюға бағытталған бағдарламаның сәтті орындалуы Қазақстан-Америка стратегиялық серіктестігінің негізіне айналып, жаппай қырып жою қаруларын таратпау бойынша жаһандық режимдерді қалыптастыруға қосқан Қазақстанның салмақты үлесі болды", - деді Сыртқы істер министрінің өкілі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.