Қазақстан ЕҚЫҰ алдында тұрған мақсаттарды шешуге қажетті сенімді құралдарға ие -Тәжин
Астана. 21 сәуір. "Қазақстан Бүгін" - Қазақстан ЕҚЫҰ алдында тұрған мақсаттарды шешуге қажетті сенімді құралдарға ие. Бұл туралы еліміздің сыртқы істер министрі Марат Тәжин Қазақстанның ұйымға төрағалық жасауына дайындық жөніндегі "достар тобымен" кездесуде мәлімдеді, деп хабарлайды агенттік тілшісі.
"ЕҚЫҰ-ның әлеуеті жоғары. ЕҚЫҰ алдында тұрған мақсаттарды шешуге қажетті сенімді құралдарға біз де иеміз", - деді М. Тәжин.
Оның айтуынша, "Қазақстан қазір ЕҚЫҰ 2010 жылы төраға болу функциясын атқаруға белсене әзірленуде". "Біз бірқатар ұйымдастырушылық қадамдарды жасадық", - деді министр.
"Біз ЕҚЫҰ халықаралық және өңірлік қауіпсіздікті сақтауға қолдау көрсететін бірегей диалог алаңы ролін одан әрі атқара беруге тиіс", -деп мәлімдеді ҚР СІМ.
"Біздің ортақ мақсатымыз - қазіргі заманғы қауіп-қатерлер ұлғая түскен сәтте ұйымды қуатты әрі тиімді болдыра түсу", - деді М. Тәжин.
"Қазақстан ЕҚЫҰ-ның халықаралық сахнадағы, соның ішінде біздің өңірдегі ролі мен ықпалын көтеру үшін қолдан келгеннің бәрін жасайтын болады", -деді министр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.