Қазақстан энергия қорларын инвестиция мен технологияға айырбастау бойынша ГФР-мен келісімді пысықтауда
"Еуропаның энергетикалық қауіпсіздігіндегі Қазақстанның маңызы күн өткен сайын артып келеді. Еліміз Германияға ең көп мұнай жеткізетін үш елдің қатарына кіреді. Біз егер Германия тарапынан энергия үнемдеу және баламалы энергетика көздері сияқты салаларға ауқымды инвестиция мен алдыңғы қатарлы технологияларды енгізу қолға алынар болса осы елдің энергетикалық қажеттіліктерін қамтамасыз етуге қосып жатқан үлесімізді арттыра аламыз", - деді Е. Қазыханов сәрсенбі күні Берлиндегі Кербер атындағы қорда жасаған мәлімдемесінде.
Астана. 21 шілде. Kazakhstan Today - Қазақстан энергия қорларын инвестиция мен технологияға айырбастау бойынша ГФР-мен келісімді пысықтауда, деп мәлімдеді ҚР сыртқы істер министрі Ержан Қазыханов, деп хабарлайды Kazakhstan Today агенттігінің тілшісі.
"Еуропаның энергетикалық қауіпсіздігіндегі Қазақстанның маңызы күн өткен сайын артып келеді. Еліміз Германияға ең көп мұнай жеткізетін үш елдің қатарына кіреді. Біз егер Германия тарапынан энергия үнемдеу және баламалы энергетика көздері сияқты салаларға ауқымды инвестиция мен алдыңғы қатарлы технологияларды енгізу қолға алынар болса осы елдің энергетикалық қажеттіліктерін қамтамасыз етуге қосып жатқан үлесімізді арттыра аламыз", - деді Е. Қазыханов сәрсенбі күні Берлиндегі Кербер атындағы қорда жасаған мәлімдемесінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.