Қазақстан ILAC және IAF секілді халықаралық аккредитациялық ұйымдарға мүшелікке өтпекші
Қазақстан ILAC және IAF секілді халықаралық аккредитациялық ұйымдарға мүшелікке өтпекші
Астана. 1 қазан. "Қазақстан Бүгін" - Қазақстан 2010 жылы зертханаларды аккредитациялау жөніндегі ILAC ұйымына, ал 2012 жылы аккредитациялау жөніндегі халықаралық форумға (IAF) мүшелікке өтпекші. Бұл туралы ҚР Индустрия және сауда министрлігінің аккредитациялау жөніндегі органының жетекшісі Серік Құрманғалиев бүгін өткен брифингте мәлім етті, деп хабарлайды агенттік тілшісі.
"Зертханаларды аккредитациялау жөніндегі ILAC ұйымына біз 2010 жылы мүшелікке өтпек ниеттеміз. Бұл ұйымға жетекші 48 ел мүше. ТМД елдерінен оған әзірге ешкім мүшелікке өткен жоқ. 2012 жылы аккредитациялау жөніндегі халықаралық форумға (IAF) мүшелікке өтуді жоспарлап отырмыз", - сказал С. Құрманғалиев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.