ВАШИНГТОН. 28-қыркүйек. Kazakhstan Today. Қазақстан мен АҚШ достық пен әріптестікті одан әрі нығайтуға тиіс. Бұл туралы АҚШ конгрессінің жолдау-сәлемхатында айтылған. Жолдауды Қазақстан президенті мен АҚШ конгрессі мүшелерінің кездесуінде американ-қазақстан парламентаралық достық тобының тең төрағасы, Флорида штатынан сайланған конгрессмен Роберт Векслер табыс етті.
"Біз сіздердің елдеріңіз 1991 жылы Тәуелсіздік алған уақыттан бері тереңдей түскен достық пен әріптестікті Құрама Штаттар мен Қазақстан нығайта түсуге тиіс, деп кәміл сенеміз. Біз осы әріптестікті алға жылжытудағы, лаңкестікке қарсы күрес пен қару таратпау саласындағы Сіздің еліңіз көрсеткен теңдессіз көмекті қоса алғанда Сіздің шешуші рөл атқарғаныңыз үшін зор ризашалығымызды білдіреміз. Американ халқы қысқа мерзім ішінде әлемнің көптеген елдері қызыға қарайтын қуатты, өркендеген әрі толерантты мемлекет құрған Қазақстан халқының ерлігі мен табандылығына сүйсінеді. Сізді Құрама Штаттарда құшақ жая қарсы алу - біз үшін үлкен мәртебе",- делінеген жолдауда.
Роберт Векслер сондай-ақ Құрама Штаттарының Капитолий ғимараты үстінде 27 қыркүйекте Қазақстан президенті сапарының құрметіне көтерілген АҚШ Жалауын Нұрсұлтан Назарбаевқа тапсырды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен АҚШ достық пен әріптестікті одан әрі нығайтуға тиіс - конгресс жолдауы
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.