Қазақстан мен Ресей президенттері Қырғызстандағы ахуал жайлы талқылады
Қазақстан мен Ресей президенттері Қырғызстандағы ахуал жайлы талқылады
Астана. 24 мамыр. Kazakhstan Today - Қазақстан президенті Нұрсұлтан Назарбаев пен Ресей Федерациясының президенті Дмитрий Медведев телефон арқылы сөйлесті, деп хабарлайды Kazakhstan Today РФ президентінің баспасөз қызметіне сілтеме жасап.
Баспасөз қызметінің ақпаратына сәйкес, "мемлекет басшылары тұрақты сипаттағы мұндай пікір алмасу барысында екі жақты ынтымақтастықтың өзекті мәселелері мен Қырғызстандағы ахуалдың өрбуі жайлы талқылады".
Баспасөз қызметінің ақпаратына сәйкес, сондай-ақ, "Д. Медведев пен Н. Назарбаев Кедендік одақ тақырыбына жеке тоқталып, осыған байланысты Кедендік одақты құруға қатысты барлық мәселелерді тез арада шешу үшін жасалатын бірлескен іс-қимылдар жайлы талқылады".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.