Қазақстан мұнай қорының қаражатын пайдалану бойынша норвегиялық тәжірибені алып пайдаланбақ ниетте
Астана. 5 ақпан. Kazakhstan Today - Қазақстан мұнай қорының қаражатын пайдалану бойынша норвегиялық тәжірибені алып пайдаланбақ ниетте. Осы жөніндегі уағдаластыққа бүгін үкімет басшысы Кәрім Мәсімов пен Қазақстанға ресми сапармен келген Норвегия Корольдігінің Мұрагер ханзадасы Хокон Магнустың (Crown Prince Hokon Magnus) кездесуі кезінде қол жеткізілді, деп хабарлайды Kazakhstan Today.
Кәрім Мәсімовтың хабарлауынша, "Қазақстан делегациясы Норвегияға барып, ұлттық мұнай қорының қаражатын пайдалану саласындағы тәжірбені жете зерттейді деген мәміле жасалды".
Сондай-ақ, премьердің айтуынша, сапар барысында "энергетика, ауылшаруашылығы, туризм салалары бойынша бірқатар келісімдер жасалды".
Бұған қоса Қазақстан мен Норвегияның сыртқы істер министрліктері арасында өзара түсіністік туралы меморандумға қол қойылды.
Мұрагер ханзада өз кезегінде былай деді : "Каспий теңізінде біздің норвегиялық компаниялар, соның ішінде "Акер" мен "Статойл" белсенді жұмыс істеуде, және олар Қазақстандағы жаңа жобаларға қызығушылық танытуда".
Ал ҚР энергетика және минералды ресурстар министрі Сауат Мыңбаев журналистерге берген сұхбатында Қазақстан норвегиялық компаниялармен бірлесе жұмыс істей береді, "атап айтқанда, Абай блогындағы жұмыстар әлі де аяқталған жоқ", деп атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.