Қазақстан парламентінің өкілдері Санкт-Петербургте өтетін парламентаралық іс-шараларға қатысады
Қазақстан парламентінің өкілдері Санкт-Петербургте өтетін парламентаралық іс-шараларға қатысады.
Астана. 28-қазан. "Қазақстан Бүгін" - Ертең, 29-қазанда Қазақстан парламентінің өкілдері парламент мәжілісінің төрағасы Аслан Мусиннің төрағалығымен парламентаралық іс-шараларға қатысу үшін Санкт-Петербург қаласына аттанады, деп хабарлайды "Қазақстан Бүгін" агенттігінің тілшісі Қазақстан Республикасының парламенті мәжілісінің баспасөз қызметіне сілтеме жасай отырып.
29-қазан мен 1-қараша аралығында қазақстандық парламент депутаттары Тәуелсіз Мемлекеттер Достастығына мүше мемлекеттердің Парламентаралық ассамблеясының, Ұжымдық қауіпсіздік шарты ұйымының Парламенттік ассамблеясының, ЕурАзЭҚ Парламентаралық ассамблеясының бюросының, сонымен қатар Тәуелсіз Мемлекеттер Достастығына мүше мемлекеттердің Парламентаралық ассамблеясының 29-шы жалпы отырысының жұмысына қатысады, деп хабарлайды мәжілістің баспасөз қызметіндегілер.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.