Қазақстан президенті Тәжікстанмен арадағы саяси әріптестік жоғары деңгейде екенін атап өтті
Қазақстан президенті Тәжікстанмен арадағы саяси әріптестік жоғары деңгейде екенін атап өтті
Астана. 12 мамыр. "Қазақстан Бүгін" - Қазақстан президенті Нұрсұлтан Назарбаев Тәжікстанмен арадағы саяси әріптестік жоғары деңгейде екенін атап өтті. Бұл туралы мемлекет басшысы Тәжікстан президенті Эмомали Рахмонмен кездесу барысында айтты, деп хабарлайды агенттік тілшісі.
"Екі ел арасындағы саяси әріптестік аса жоғары деңгейде ", - деді Н. Назарбаев. "Біз сенімді саяси әріптес болып табыламыз және Қазақстан өзекті аймақтық және халықаралық мәселелер бойынша біздің бастамаларымыз бен ұсыныстарымызды тұрақты қолдайтындығы үшін Тәжікстанға дән риза", - деді ол.
Мемлекет басшысының атап көрсеткеніндей, "ынтымақтастықтың табысты мысалы ретінде елдердің Азиядағы өзара сенім және ықпалдастық шаралары жөніндегі кеңес ұйымы шеңберіндегі әріптестігін, сондай-ақ, Тәжікстанның 2010 жылы ЕҚЫҰ-ына төрағалық жасау жөніндегі Қазақстанның кандидатурасын үлкен белсенділікпен қолдауын атауға болады".
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.