Қазақстан президентінің пайымдауынша, өзінің осы жолғы Беларусь еліне сапары қарым-қатынастарды одан бетер қарқындандыра түспек
Қазақстан президентінің пайымдауынша, өзінің осы жолғы Беларусь еліне сапары қарым-қатынастарды одан бетер қарқындандыра түспек
Алматы. 26 қараша. Kazakhstan Today - Қазақстан президенті Нұрсұлтан Назарбаевтың пайымдауынша, өзінің осы жолғы Беларусь еліне сапары қарым-қатынастарды одан бетер қарқындандыра түспек. Бұл туралы ол кеше Беларусь Республикасының президенті Александр Лукашенкомен кезедсуде мәлімдеді, деп хабарлайды Kazakhstan Today БЕЛТА ақпараттық агенттігіне сілтеме жасап.
Н. Назарбаевтың атап көрсеткеніндей, тараптар жалпы құны 3 миллиард доллардан асатын бірқатар ірі жобаларды жүзеге асыруға келісті. "Біз осы жобаларды жүзеге асырған кезде екі ел арасында серпінді қатынас болмақ", - деді ол.
Президенттің пайымдауынша, екі елдің ынтымақтастық перспективасы зор. "Біз сіздердің бәсекеге қабілетті өнім өндіретін өнеркәсіптік алып кәсіпорындарыңызды қалай модернизациялап алғандарыңызға таңданыспен қарып отырмыз. Сіздің елдің машина жасау саласы әлемнің 160 еліне шықты", - деді Н. Назарбаев.
Қазақстан президенті атап көрсеткендей, Қазақстан мен Беларусь арасында шешімін таппаған мәселелер мен келіспеушіліктер әсте болған емес. Ол Беларусь еліне Қазақстанның ЕҚЫҰ-ына төрағалығын бірінші болып белсенді қолдағаны үшін алғыс айтты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.